Thuhilhpa khat leh nungak khat

Thuhilhpa khat leh nungak khat

Thuhilhpa khat biakinn a tuah ciangin, a upa pa leh a tanu nungak tawh a thum un a tonkhawm uh hi. Lampi ah zukham tangval hon tawh kituak a, pau zakzakin, kitom, kivikin, a hawi dangdang ngen uh hi. Thuhilhpa in nungaknu kiangah, “Hih mite tawh a tawntung tenkhop na ut hia” a cihleh nungaknu a heh suakin, “Bang nacih nopna” ci-in a dong pah cingteng hi. Thuhilhpa in zong, “Topa Jesu na san keileh hih mite tawh a tengkhawm ding na hi ve” a cihleh nungaknu zong tua zan sung ihmu thei mahmah lo-in, a lungsim tawh kihoho a, a lawm taktak Jesu tawh a kimuh lawh ta hi.

NU, KE’N BANGZAH KA DAWN TAM!

Ta neilo Khristian nupa khat in nu leh pa neilo numeino khat a ta dingin a la uh hi. Tua bangin a innhoih sung vuah a lutpih uh ciangin, tua bang nahoihte mungei nailo ahihmanin lamdang sa mahmaha, numeino kiangah hibangin gen lai uh hi. “Hih inn pen nangma’ aa hita hi. Hih van om khempeuh nang’ aa hikhin hi. Ko pen na nu leh na pa ka hi uh hi” ci-in a baanin kai lengleng uh a, innsung huangsung teng a etpih kawikawi uh hi. Tua ciangin anbuk lamah paipih in, a nasemnu in maanhai sungah bawngnawi suakin tua numeino a pia hi.

Numeino in tuabang thei ngei nailo ahihmanin, “Nu ke’n bangzah ka dawn tam” ci-in donga, a nu in, “Boihno, a vekin dawnkhin in. Na kham’keileh hong suah lai ding hi” a ci hi. Tua mah bangin Topa Jesu in zong, kikholhpih dingin nang hong ngai-a, “Na lunglen’ theihzel tawh, kikhawl ni” a hong ci hi. A kham innpi sung hong luahpihin, hong velpih kawikawi nuam a, “Na duh zahzah dawn in. Na deih laileh thupha namkim om lai hi” hong ci hi.

“Pasian in a Tapa khatbek a piak dongin leitung mite a it hi. Tua Tapa a um mi khempeuhte in kisia lo a, nuntak tawntungna a ngah nading ahi hi” (John 3:16).

“Note in ka thupiakna bangin na hih uhleh ka lawmte na hiding uh hi. Tu-a kipanin note sila kong ci nawn kei ding hi. Banghanghiam cihleh sila in a topa’ bawlna thu a thei kei hi. Lawmte kong ciding hi. Banghanghiam cihleh ka Pa’ kiangah thu ka zakte no kong thei sak zo hi. Note in kei nong teel kei uh hi. No kong teel hi. Note pai in a tampi na gah khit uh ciangin, na gah uh a kip nadingin kong koih zo hi. Tua ciangin ka min tawh thu na nget khempeuh uh Pa in hong pia ding hi” (John 15:14-16). Tdkhen