Asawtlo In Zangkong ah (Chin National Forum) kibawlding

Asawtlo In Zangkong ah (Chin National Forum) kibawlding

Asawtlo in Zangkong ah Chin National Forum hong bawl ding uh a Zomi mipil a nangaihsut uh pawlkhat zong hong kihel ding hi.

Chin a deih giugiau, anusiat ngaplo teng zong na kihel vet lel un. Ki khasiat theih om kei. Pasian’ hong piak “Suakta tak a teel theihna” (Freedom of choice) zat khuan aneitek hilel hang.

“Na vot leh vot vet inla, na sat leh savet lel in”

Zomi Mah aci tentan te’n zong theih gige ding thu pawlkhat om hi. Chin tawh kikholh ding hoih asate lak ah:

1. Pilna lai tansang (scholar) te’ ngaihsutna
– Chin sung ah va thuklut vet ding in mun ngah sawm ding. chin pen ei’ khut sung ah koih ding. Ih tamna zatsiam ding
(Athu in bel hoih mahmah hi. Aizong practical lo hi. Failed policy hi. Nainganzi siamnam hile hang bel piang ding hi. Aizong eipawl nainganzi nak siamloh khia lua mahmah ih hih man in pianglo khin a piang kik tuanlo ding hi)

2. Abaih lam zuih ding hi.
– Mi’ hong theihnasa tawh paisuk lel ding hi. Gim huai lel acipawl hi.

3. Makaite’ siamloh man a Zomi langpang
– Alungsim ah Zomi deih giugiau napi Zomi makaite a et teh Zomi deihzo nawnlo. Muang zolo.

4. Zomi ahua ngiat
– Zomi buisumh in puksi suk leh a utte hi.

5. Sum mah thupi
– Zomi aizong chin aizong poi kei. Sum kangah nak leh phazo acipawl hi. Hih sung ah pilna laitan sang nei tampi zong om hi.

Ahampi in tuadan in mu ing ei guai.

Bangbang aizong ih ki itzawh ding thupi sa ing ei.

Lungdam

(Mung Laan Thang)
Zangkong