ZYA makai te Australia ah zinding

ZYA makai te Australia ah zinding

Zomi Khangno Kipawlna (ZYA) Myanmar Zumpi pan ZYA nasep pulakna, ZYA Series Volume II cimawh dongtuakte huhzawhna ding fund zonna DVD hawmkhiatna neih ding in makai mi 4 Australia ah zinna kinei hi.

Hih hun sungteng ah Zogam Zomite mailam ading thulianpi tampi akigel, aki sepzawh nading Thungetna tawh panpih ciatni.

Apai thei makaite,
1. Pa Kam Suan Mung (ZYA Myanmar GS)
2. Pa Vungh Za Khup (ZYA Myanmar Sumkempi)
3. Sia Do Khan Khup (ZYA Yangon Asst Secy)
4. Sia Muanpi Zomi (ZYA Singer)

ZYA Series Volume II DVD tangkona

Cimawh dongtuakte huhzawh, panpih zawh nading a kibawl ZYA Series Volume II DVD pen Korea, Malaysia, Aizawl, Lamka le Singapore ah tungta hi. Khua dang pawlkhat zong agent ding zon san laitak hi a Minam nasepna ading akipiakhia nuam i omle kilungdam mahmah ding hi.

Hih DVD pen kua man copy lo a, YouTube te ah khah nailoh phot ding in minam mintawh a kithum hihang. Nang DVD original leina tawh mi cimawh dongtuak khat ahuh apanpih na hih manin original DVD mah thapia in i lei ciatding aki zasak hihang.

Agent hong sepsakte,

• Malaysia ah – ZAM zum le Lia Cingseen tung
• Korea ah – Sia Kampi ZCF makai
• Aizawl ah – Zomi Innkuan makaite
• Lamka ah – ZYA India makaite
• Singapore ah – ZIS le Lia SB Niangniang

ZYA Myanmar

Related: ZYA India & Myanmar makaite kimukhawm

ZYA DVD KIHAWM KHIA TA : ZYA in cimawh dongtuakte huh zawh nading lunggulhna tawh i bawl ZYA Series Vol-II pen tu in muntuam gamtuam ah kihawm khia ta a, USA leh Australia gamsungte pen ZYA panin Committee te paisawm ngiat i hih manin kihawm nailo hi. Tua lo tengah kihawmhawm ta ahih manin Zomi a kua mapeuh in tha i piak ciat nading leh Youtube leh Copy bawl loh dingin kithum hi hang.

Original DVD ong leisak khempeuh ZYA nasepna ah lamkhat panin mapang khawm i hi a, Copy peuh tawmnono tawh a leite pen ZYA nasepna alangpang leh anawngkai sakte thapia i hih lam kiphawksak hi hang. ZYA DVD Disc tungah Originalte ZYA ki-at ngiat ding ahih manin nalei veve Original mah leizaw mai-in ci-in deihsakna tawh i kiphawk sak hi.