Italy, Rome khuapi sungah Passenger Bus khat meikang in puakkham
Italy gam ii Capital khuapi ahi Rome City sungah Tuesday ni in Bus golpikhat meikang in puakkham cih Reuters pan kiza hi. Khuapi laizang ah apuakkham hi a, meikhu vomnainai in khuapi tungah kimuthei hi ci’n amukha Witness te’n genkhia uhhi.
Hih tuahsiatna tawh kisai in Local transport authority Atac te genkhiatna ah tua Bus sungah atuangkha Passengers khempeuh leh Driver papen ahunlap in ki hemkhiaman uh cihi.
Rome khuapi laizang aom aminthang mahmah Trevi Fountain kicihna atunmadiak in tua Bus golpi pen meikang in apuakkham ahihi. Tukumsung in hihbangdan meikatna pen a 9 veina bang hita hi.
Kamsiat kawmkal ah kamphatna tawh hih Bus meikatna hangin asi aliam kuamah omlo a, mikhatpeuh ii gitloh gamtatna, ngongtatna “Foul Play” cihtezong kihello hi ci’n thunei te’n genkhia uhhi.
Abeisa 2017 kumsung inzong Rome khuapi sungah akizang Bus bekbek akigawm in 20 bang meikatna tawh kisia hi.
Italian media te’n hihbangin tuahsiatna aomzelzel pen Rome City sungah akizang Bus tepen luiluata in, tuabanah hoihtak ki kemcinglo, Maintenance ginalo ahih manin, tuahsiatna apiangzelzel hi ci’n genkhia uhhi.
Khuasung Bus vai asai ahi Atac Company tepen leibat haulua mahmah uh a, amau genkhiatna ah Bus tepen ahithei bangbangin kipuah zelzel in, buaina aomloh nadingin kisemden hi ci’n genkhia uhhi.
More: Italy meileng lampi tungah akiasuk naupangno khat ahunlap in ki honkhiathei
Abeisa in Atac lutangpi asem ahi makaipipa in agenna ah Atac Company pen leibat bekbek akigawm in US$1.54 Billion bang kinei a, Bankruptcy aki tangko dekdek cihi.
Internal Atac Report aki pulakna ah Atac Company te ii Bus khempeuh lakah 36% bangpen puahkikding in Garage (Workshop) ah kipuak cimawk hi. Sawltak #zomidaily
Comment piaknop aomleh...