Zanni Saturday ni in Turkey gam ii khuapi ahi Istanbul khuasung Shopping Area khatah Suicide Bomb puakkham a, mi 4 si cih BBC News in genkhia hi. Tua asi lak ah Israel gammi, US gammi leh Iranian gammi te kihel cihi.
Kumpi zum te aomna Government Building geikhatpan apuakkham hi a, mi adang 36 bang liam cihzong kiza hi.
Hih Suicide Bomb asukham pen aki genkhiatpah lohhang in, Turkish Goverment inbel Kurdish Militants te hiding cih ummawh uhhi. Banghanghiam cihleh abeisa hunte ahzong Suicide Bomb tepen hih Kurdish gamkap te ii khutma mah hizaw hi.
Zingsang Local Time 11am pawlin vanlei vanzuak atam mahmahna Shopping Mall Area sungpan in hihbang in buaina apiang hi a, khuasungvak mipi tezong bangpianglaiding cih ki theikhollo himawk ahih manin, patau mahmah uhhi.
Istanbul khuapi pen migilo te’n a ngimdet dingin aki patau mahmah khuapi khat hi a, minam tuamtuamzong aomkhopna munkhat ahihi.
Zanni Suicide Bomb pan aliamte lak ah Israel gammi, Irish gammi, Germany gammi, Iceland gammi, Iran gammi leh Dubai pan khuazin tezong kihel cih kiza hi. ZD Sawltak #zomidaily
Comment piaknop aomleh...