Najib te innkuan gamdang ataitheilo dingin Blacklist in kikoihta
Abeisa kum 9 sung Malaysia Prime Minister asemngei Datuk Seri Najib Abdul Razak leh azi Datin Seri Rosmah Mansor tepen Malaysia panin gamdang ah ataikhia theiloding in ki khakcip, Blacklist in kikoih taktakta cih theSun pan kiza hi.
Tuni Saturday (May 12) zingsanglam 11:30am hunpawl in Malaysia Immigration Department te’n Facebook leh Twitter tungtawn in agenkhiat uh hi a, Najib te innkuan pen Malaysia gamsung panin paikhiatding kiphallo, ki khakcipta cihi.
Najib leh azi pen Subang vengsung aom Sultan Abdul Aziz Shah Airport panin tuni zingsanglam 6am hunin vanleng tawh Indonesia gamlam zuanin lengkhiading cih akiza masa hi a, ahi zongin tuzingsang in Subang Airport ah amau nupa kimu khalo hi.
Zannitak akipan Najib te nupa pen Indonesia gam zuanin lengkhiading cih Flight Itinerary thusim pen Media te’n zakha uh ahih manin, Social Media tengah ki thehkhiazakpah hi. Tuabek thamlo tuzingsang inzong Najib te nupa alenkhiat nadingin akiza Subang Airport ah mipi honkhat kikaikhawm ngeingai uh a, kuamah in Malaysia gampanin ataikhiatding phalnailo uhhi.
Video: SHAH ALAM: The Light Strike Force (LSF) has been deployed to guard the gates at the Sultan Abdul Aziz Shah Airport (Subang Airport) this morning as the crowd here begins to swell.
Subang Airport ah mipi tamlua in abuaigawpding kipatau ahih manin Light Strike Force leh palik honkhat kisapbeh in, Airport geiteng ah kicingsak hi.
Hihvai tawh kisai in Najib ngiat inzong Twitter tungah hibangin gelhkhia hi: “Immigration Department panin kei leh ka innkuanpih te gampualam ah paikhiatkhuan hongphallo uh cih hongki zasak hi. Tua thupiakna aom bangin kazuiding uh a, Malaysia gamsung pan koimah paikhialo in, ka innkuan un ka omding uhhi” ci’n gelhkhia takpi hi.
Ataktak inzong Najib te innkuan pen khualzin in tawlnga hithiatding cih geelna aomtakpi hihtuak a, Najib inzong amazat Twitter tungah agelhkhiatna ah tawmvei ka tawlnga photding a, innkuan tetawh hunnuam kazang photding hi ci’n gelhkhia hi. Ahi zongin Prime Minister asepsung sumvai tuamtuam buaina te hangin gampualam ah ataikhiatding aki phalnailo ahihi.
Najib ii patkhiat ahi 1Malaysia Development Berhad (1MDB) tungtawn in sum multi-billion-dollar tampitak neksimna “Scandal of Money” om ahih manin, Dr. Mahathir in Prime Minister in akiciamzawh azingciang in hihvai hoihtak ka kankhiading hi ci’n pulakkhia hi.
Prime Minister angahthak ahi Dr. Mahathir inbel bangmah ki thuhkik nopna, aphu lakkik nopna cihbang hilozaw in, ahi zongin Rule of Law aomkik nadingin kisemding hi ci’n genkhia hi. Najib in Prime Minister asepsung in thongsung ah akoihcip gammakai minthang khatmah ahi Anwar Ibrahim zong asawtlo in thongpanin kumpipa hehpihna “Royal Pardon” tawh hong suakta baihding kici hi.
More: Najib te nupa gamdang taisawm kici ahih manin vanlengtual ah kipang ngeingai
Malaysia director-general of Immigration asemlaitak ahi Mustafar Ali ngiat inzong hihthupen amantakpi hi, Najib te innkuan pen Malaysia panin gampualam apaikhiatding kiphallo hi ci’n genkhia hi. Leitung kumpi thuneihna pen sunkal, zankal in aki lumlet ziauthei cih hih thuthang in hongtelsak, hong phawksak mahmah hi. Malaysia gamsung bangthu hongpiangdiam, kumpisung thuthang te zaknop semsemleh kilawm hi. Sawltak #zomidaily
Comment piaknop aomleh...