Thuthak Tomkimcing 24 July 2014

Thuthak Tomkimcing 24 July 2014

A. NCCT khawmpi Laiza ah Wa leh Maila te pailo.

Nationwide Ceasefire Coordination Team pawl khawmpi a(3) veina KIA phualpi Laiza ah 24-29 July sung bawl ding in kipan ta uh ahi. Hih Khawmpi ah Myanmar gamsung tualgal a daihkhing nading in kikupna hi a tutung in Wa (UWSA) leh Maila (NDAA) te zong kisam ahih hang in pai zolo uh ci hi. Ni thumsung NCCT pawlmi teng kikum ding uh a, 28 leh 29 ni pen NCCT ah kibel pawlna anailo Singtaang gammi makai te tawh kikupna nei ding cih U Naihanta in gen khia hi. NCCT ah kibel pawllo pen Naga, Wa, Maila, RCSS, ABSDF, UNFC om lai hi. Akibel pawlnailo te lak pan in Wa leh Maila te tutung akihel zo nailo suak hi.

B. Hau Lian Kap Thang Mandaly pan kiman.

2014 July 23 Zan kim daak 12:20 hunin Mandaly Narcotic thuvaisai No.8 te in Mandaly Chian Aye Thasan veng 82 Lamzinpi, 26/27 kikal Nan Myodaw zintun buuk ah Room 324 mun va endik sittel uh leh Khampat khuapi huam Nan Khauhkhuah khua teeng Tg Hau Lian Kap Thang kum 27 na om in alupna tung thungkuah ipvom sung pan in US PROPERTY liimtuang thau tom leh Methamphetomine zaatang 400 tawh kiman khawm kha hi.

C. Tukum vanleng tuahsiah te akibatpih nambat 7 Kha 17′

Malaysia vanleng March 8 ni in amang MH 370, ah mihing mang leh si 239, Malaysia vanleng Amsterdam pan Kuala lumpur ciah kimlai MH 17, Boeing 777 mah 2014 July 17, in kikap khia mi 298 si, Trans Asia Airway 2014 July 23 ni in Gaoxiang pan aleng Penghu tuikulh tungkia mihing 51si, Algerie vanleng Burkinafaso pan Algiers ah aleng AH 5017 vanleng hang in mihing 116 mangsi hi.

MH 370 lo teng pen July kha, Kha 7 kha sung vive ahihi. Kibat pi nambat te 7, 17 hi in Isreal leh Hamas tualgal kido zong ni 17 cingta hi. Vanleng vai tawh kipawl thusuak nei aminthang pen Prophet TB Joshua minthang hi.

Kha thum March in vanleng mang kipan in nambat 3 tawh kipan a, alai a, nambat 7 hi in Kha 7 sung van leng 3 tuah sia hi. 0 mun pen bang hiding cih leitung in alungngaih thu ahihsan laitak ahihi. Hau Thang