Myanmar gambup ah sangsia 30,000 val kisam ahih manin, kumsim in sangsia 10,000 ki behlap totoding
Myanmar gambup aom “Basic Education Schools” sanginn te ah sangsia akisamzah sangin tawmzawtham kici hi. Myanmar gambup aom Basic Education Schools khempeuh ah Teacher akisapbeh pen 30,000 bang ciliang hi.
Tua akisapbeh sangsia 30,000 te behlaptheih nadingin kumpi te’n sangsia kisinsak in, laisimkum “Academic Year” kumsim in sangsia 10,000 ta ki behlapding hi ci’n Deputy Minister of Education panin U Win Maw Tun in genkhia cih MMTimes pan kizasawn hi.
Hihvai tawh kisai in Myanmar gambup ah sangsia tawmmahmah ahih manin, Pyithu Hluttaw MP te’n dotna nei uh a, dotna akibawlna tungtawn in U Win Maw Tun in agenkhiat ahihi.
Pilsinna sangvai tawh kisai in hoihtak kancianna Research akibawlna ah Myanmar gambup ah sangsia akigawm in 33,681 bang ki sapbeh cihi. Tuasung ah High School Teacher pen 11,350 bang kisapbeh in, Middle School Teacher pen 12,331 bang kisapbeh hi. Elementary School Teacher zong 10,000 bang ki sapbeh cihi.
Tuabangin sangsia 30,000 valbang akisapbeh pen Budget omlohna hangin thakhatthu in ki behlap pahtheiloding ahih manin, kum 3 sungin khenthum suahin tawmtawmta in aki behlapding geelna aom ahihi.
Laisinkum 2018 – 2019 Academic Year sungin sangsia 11,227 ki behlapding geelna kinei a, 2019 – 2020 kumsung in sangsia 11,227 leh 2020 – 2021 kumsung in 12,027 cihbangin behlapding geelna kinei cihi.
Myanmar kumpi thunei te’n kumsim sumzatnading Yearly Budget geelna sungah pilsinna sumbei “Educational Expenses” tawh kisai pen athupi penpen in akoih hi a, ahi zongin Education pilsinna lamsangah Resources akisam tamlai mahmah hi.
Tua ahih manin April kha panin September kha kikal pilsinna Education lamsang ah zatding in Ministry of Education in K807.15 Billion koihding hi. Hihpen Budget akigeelna Sector khat adingin atampenpen alina ahihi. Ahi zongin Education Sector ah sum akizektheih nadingin adang Sector tuamtuam ahi galvan tawh kisai sumzatna “Military Spending” leh gamsung lampi zikna “Road Building” cihtetawh kidem mahmah kulding cihi.
More: Kalaymyo sangnaupang khat ii abiang a eksakgawp sangsiama ki dinkhawlsak
Myanmar, Magway Region sung ahzong Chin minam te Laisinna “Chin Literature” ahilhding in sangsia mi 330 val kibehlap, nasepthak kiguan cih kiza hi. Chin State sungah pauzattaang ahih keileh Chin pau (Chin Common Language) omlo kicizel a, tua himawkleh Chin lai kihilh cihpen bang himawkding hiam? Sawltak #zomidaily
Comment piaknop aomleh...