Asylum-seeker Card LEH Refugee Card I CIH KOI DAN HIAM :: Atom mahmah in genni cileng mikhatpeuh Refugee in aki ciaptehtheih nadingin UNHCR te tungah ngetna bawlkul a, tuapen Manglai in “Asylum-seeker” akici ahihi. Manglai alaimal ngiatin akhiatna kitel mahmahkhin himahleh Manglai azanglo pawlkhat te adingin telcian hamsa theihi. (Ngetnget kullo in Zomi te Refugee hikhin hilohiam cih ngaihsutna Concept te atuam in koihphot ni) Asylum-seeker te’n Card atawileh “Asylum-seeker Card” hipahding a, laidal atawileh “Asylum-seeker Laidal” hipahhi. “Refugee Card” cihleuleu ciangin Refugee in aki ciamtehsa te tawi Card hipah hi.
Asylum-seeker Card vs Refugee Card
Malaysia UNHCR zumpi pan abei 15 February 2017 (Wednesday) ni in Policy thakkhat tangkona neikhia uh a, Asylum-seeker Card atawi te Renew ciangin laidal bek piatading ci uhhi. Hih Policy thakpen 01 March 2017 ni akipan zangto tading uhhi. Tuathu hangin Asylum-seeker Card leh Refugee Card atelcian nailo leh atel laklawh pawlkhat in midangte lungkhamsak bekthamlo lung am sakgawp uhhi.
Hihthu pen lungkhamluat nading hizenzenlo hi. Asialam in ala pawlkhat te’n Card pianawnloding, UCL laidal bek tawisakding ahih manin “lengsak nawnloding” acihna hi inteh ci’n upmawhthu tawh apheng gengawp ommawk hi. UN Card apiaksa alakik bangdankhat in agengawp zong omthei hi. Banghangin tuabang in ummawh uh ahiam cihleh “Asylum-seeker Card” leh “Refugee Card” namnih te akibatlohzia telcianlo uh ahihman ahihi.
2013 Mobile Registration akibawl masiah inzong UNHCR in Refugee taktak in aciaptehma in UCL Laidal akitawi ngeina mah ahihi. Ahi zongin 2013 Mobile Registration ciangin UCL Laidal zangnawnlo uh a, tuatang in Card hongzangpak bek uh ahihi. Card apiak zenzen uh hangin Refugee Card hipahlo a, Asylum-seeker Card bek ahihi. Card tuaktuak ahih zenzen hangin “Asylum-seeker Card” leh “Refugee Card” te amanneihna “Value” kibanglo hi. Gentehna in RM1 leh RM100 pen sumlaidal tuaktuak ahih hangin, aman neihna “Value” kibanglo cihdan
March 01 ni akipan Card pianawnlo in, UCL Laidal piading uh a, RSD Interview phitheihding nizong Appointment piapahpah dinguh cihi. Hihpen alungdamhuai mahmah thu hizaw hi. Banghang?
Abeisa in Asylum-seeker te Card pia uh a, tettan pen kum 3, kum 4 bang hisakmawk uhhi. Tua kum 3, kum 4 sungpen Interview bangmah omvetlo in, koihcip uhhi. Kum 3, kum 4 khitciang in tettan Renew sakkikzel uh a, adinmun ki lamdanglo in Asylum-seeker mah hitawntung uhhi.
Ahi zongin March 01 ni akipan Renew ciangin Card tawh apiakloh zenzen hangin RSD Interview Appointment phiniding piapahding ci ahih manin, alungdamhuai mahmah aci kahihi. RSD akici “Refugee Status Determination” philoh in Refugee taktak in kiciamteh theilo hi. Asylum-seeker Card natawi gemgam a, kumtampi hongki koihcip, hongki diahcip sangin UCL Laidal tawi in RSD phithei mengmeng lecin lungdamhuai zawtham hilohiam?
Abeisa abatleh USA alengte genteh pakleng RSD khitciang RST hiding a, RST khitciang OPE (RSC), OPE khitciang DHS (Lawaka), DHS khitciang Medical (sisit), Medical khitciang CO Class (Tentan ihcih Culture Orientation Class). Tuateng diudeu khitciang aki lengtheipan ahihi. RSD > RST > OPE > DHS > Medical > CO Class > Departure
Pawlkhat in “Asylum-seeker Card” tettan Renew bawlkhin in “Card mah tawi khalai” ci’n akisial mahmah omthei hi. Pawlkhat leuleu March 01 ni kipanding ahih manin, Card Renew leng laidal tawikha tading ci’n adah mahmah omleuleu hi. Aki sialsial tezong kisialhhuai luakhollo a, adah mahmahte zong dahhuai luakhollo hi. Card tettan Renew khinte kum 1 pan kum 3 pian vive hizaw hi. Tulaitak Renew abawlnailo te abawl ciangin RSD Interview tawh asawtlo in kizomsuak theipah hileh, tulaitak Card tawikhalai ci’n aki sialsial te amakhelhziau nahih namel kuan genthei?
Hihpen abeisa pongman apaizia hi a, azi apasal te’n alutpih, nulehpa leh tate lutpihding in angak cihtetawh apaizia kibanglianlo khatheiding hi.
Theiding:
1) Nidang in OPE (Overseas Processing Entity) akici pen tuciangin RSC (Resettlement Support Center) ci’n kilaih hi.
2) RSD, RST, RSC hihtengthuam kivalak mahmah a, ahi zongin atuamtek ahihi. RSD = Refugee Status Determination, RST = Resettlement, RSC = Resettlement Support Center
Meeting: Abeisa 15 February 2017 ni in Kawlgam minam tuamtuampan kipawlna makai “Sub-Ethnic Burmese Minority Leaders” teng UNHCR-CLU in Meeting neihpih uh a, hivai genkhiatna neikhin uhhi.
Tuavaimah genkiknuam uh ahih manin zingciang 27 February 2017 (Monday) ni in Fellowship leh Religious makai, siate Meeting khatvei kaikhawm leuleu uhhi. Malaysia gamsung aom pawlpikem sia, makai, Pastor te’nzong asawtlo in hihvai akicianzaw in hong gencianthei khading uhhi. Ref: Zomi Daily
2017 ZSM LAIBU HONG AP KIK TA UN :: Malaysia zomi Genvai Kipawlna (ZSM) 2017 ading laibu te December 2016 in I hawmkhiat hi a, February kha bei ah ZAM zum puakkik sawm ciat ni cih pen khatvei kong zasak uhhi. Mapang khawm in I sep khopna te Topa’n thupha hongpia sem sem tahen.
WELCOME TO ZAM :: Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Association of Malaysia(ZAM) zum ah nong hawh/pha hamtang na ding un itna lianpi tawh kong zawn uh hi.
ZAM ZUM AH HONG HAWH :: Pastor Niang Lamh Vung– Voklak, Seventhday Adventist Church, Health & Education Department, Upper Myanmar in Malaysia hongzin sungin ZAM ah hong hawhin holimna tampi neih khit ciangin thunget sakna hongnei ahihmanin kilungdam mahmah hi. Topa’n sianu thupha tawh hong tuam sak semsem tahen.
ZAM PALAI TE THUNGET :: ZAM palai te khasim thungetna 02 March 2017 ni-in kinei a Sunway Immanuel pawlpi kem Pastor Khai Sian Tuang in Joshua 1:9 bulphulh in thapiakna leh thungetsakna zong hong nei a tha kingah mahmah hi. Topa’n siapa hongzang semsem tahen.
ZAM ZUM AH THUNGETNA HONG NEI :: Korean Pastor Sasha leh alawm te ZAM zum ah hong hawhin ann kuang um khopna leh thungetna hongneih pih uhhi. Topa’n Pastor Sasha leh alawmte thupha tawh hong tuam sak semsem tahen.
ZAM ZUM AH HONG HAWH :: Dr. Lian Muan Kim-New Testement Consultant of Myanma -r, Koinonia Baptist Seminary sangsia in ZAM ah hong hawh in ZAM zum pa’n Zomi te a ding thu ngetna hong neihsak ahihmanin ki lungdam mahmah hi. Topa’n Siapa thupha tawh hong tuam semsem tahen.
ZAM ZUM AH THUNGET KINEI :: ZAM zum ah khasim nipi kal nihna(Saturday) 11:00AM in ZAM hall ah Zomite a ding Topa maipha zong khawm dingin kong zawn uhhi. Hong kihel zolo te in thunget na deih uh leh a nuai a siate tungah na zasak un.
- Rev. Dr. Do Khan Langh 010 7014 904
- Rev. Zam Suan Kham 017 3320 137
- Pastor Thang Sian Mung 010 9084 391
- Smh Don Lun Ciin 016 3641 284
DAHPIH NA :: Hiangzing khua Pa Siapi Ngo Nang Leh Nu Cing Khaw Huai te tapa Pa Pum Khat Khai-Thatmun beh(Kum 46) in damlohna tawh zato inn pan in 25-02-2017 ni-in hong nusia a, a luanghawm pen Subang Lutheran hanmual ah 28-02-2017 ni-in leiah tuhna nei hi. Pa Pum Khat Khai hangin adah a kap NU/Pa tawh akibangin ZAM zum pi pa’n i dah khawm hi.
Ngeina Van Tuamtuam Ki Leithei :: ZAM zumpi ah ih ngeina vantuamtuam ahi Zopuan Design tuamtuam, Zoniik Design tuamtuam, Puanten, Puandum, Zodial(Silk), Puanlai san, Zokhi, Tanghciin, Khephiau, Zolukhu, Zothungkuah, Zodial cih te akipan naupang puan tuamtuam te deih zah zah ki leithei hi.
RHB Insurance kilei thei Lai :: ZAM zumpi ah nisim zumhon hunsung khempeuh in RHB Insurance kilei theihi. Hih Health Insurance pen adeih khempeuh in kilei theilo a, UN Card neite bekin lei theihi cih mangngilh kei ni. ZAM pan in Zomi khempeuh in ih bawlding in kong zawn uh hi. Ih zat le zatloh pen Pasian thu hia RM10,000 a khol khinkhian na hihi.Insurance leina dingin UN card copy, omna inn address cihte kisam hamtang hi. UN card a nei zongin kum (60) val sate in kilei theilo ding hi. Nu leh Pa in Insurance card neih khitciang a suak pan naupang te pen Insurance kibawlsak thei nawnlo a, a Nu leh a Pa I card renew ciangin kigawm thei pan hi. Hih Insurance card pen zato lupna bek ah kizang thei a, clinic paina, zato appointment paina te ah kizang theilo hi. Tua ban ah lungtangnatna nei te leh Cancer nei te a card a bawl zawh ni 120 khit ciang kizang thei pan ding hi.
GALHIAM PHATNA LABU KINGAH KIK TA: GALHIAM Phatna labu khat ciang RM30 tawh ZAM zum ah kingah kik ta hi. Tampi omlo ahihmanin a deihte in nong pai baih kei leh ki ngah nawnlo kha ding hi.
ZOMI HIP HOP KHUI THAK: Zomi Hip Hop khui thak “DUALLO ZOMI” khui zong ZAM zum ah kingah thei hi.
ASYLUM ACCESS AH HUHNA KINGEN THEI : SVP team te interview napan card kipiakik nawnlo natheih uh leh ZAM zum leh Asylum Access zumte makaihna pan lawyer te tawh pangkhawmin UN nangahkik theih nading hong geel pih/vai hong hawmpih ding ahihmanin ZAM zumah hih lai na muh phetin nong zaksakpah nangin deihsakna lianpi tawh kong tangko uhhi. Asylum Access te kiangah ut bangin ki pai thei loin appointment lak masak kul ahihmanin UN pan lai nangah phetun nalaiteng tawh hongpai pahun. Appointm -ent date ma kalkhat akisap in nong pai pan a leh lawyer te in buaipih man nawnlo ding cih limtak thei in.
RHB INSURANCE CARD HONG TUNG THAK
- 1. Mang Lian Pau 8. Lian Vung
- 2. Lam No 9. Ngaih Pi
- 3. Sian Lun 10. Nau Nem
- 4. Hau Sian Sut 11. Thang Sian Lian
- 5. Sian Huai 12. Thang Lian Mang
- 6. Niang Vangh Nuam 13. Do Lam
- 7. Zam Dal
Kimat kihen na tuahkhak leh: ZAM member te kimat kihenna tuahkhak uh leh Sia Tuangpu: 016 254 4093, Sia Go Mang: 018 202 1216.
- UN ZUM AH VAI DAWP THEIH NI TE
- RST kidawp theih ni :Thursday leh Friday
- Cidamna tawh kisai dawptheih ni :Monday, Tuesday, Thursday
THONGVAI BUAI PIH TENG
- 1. Phuta(Phaiza) Sungai Buloh thong ah kikan
- 2. Khai Mung(Ngente) Jinjang Lockup ah kibuaipih
- 3. Kim Tawng(Ngente) Jinjang Lockup ah kibuaipih
- 4. Gin Lam Mung(Mouvom) Jinjang Lockup ah kibuaipih
ZATOVAI BUAIPIH TENG
- 1. Naomi Ciin Sian Hoih(Khuabeem) HKL
- 2. Nu Man Khup(Mualpi) HKL, ACTS
- 3. Thang Ngaih Khual(Lingthuk) UKM
- 4. Cing Lawh Kim(Valvum) Ampang Hospital
ZAM MEMBER NASEP OM
- Factory-Aksa sat ding/Aksa deliver ding
- Mi-5 kideih. Nasep hun-8am-5pm OT omlai
- Offday- every Sunday. Khasum-Rm-1000 -OT zong omhi.
- Omna pia- An aksak pia Buhsih ei leh ei. Amun -Puchung
- Kilang door glass bawlna ah Mi :2 ki nawhdeih
- Khasum-Rm1100 basic + overtime
- Omna pia An vaklo. Amun :kajang
- Nasep hun: 9am to 6pm OT -omhi. Offday-Every Sunday
Nasep dang tuamtuam zong omlai hi. Annsai, NSK sai leh adang tuamtuam te zong om hi.
Contact : Sia Khuppi 016 3838 014
- LUNGDAM KOHNA
- 1. Ai Do Kap(Saalzang) -RM50
- 2. Sia Deng Lian Kap -RM50
- ZAM zum leh thupuak ading panpihna hongpia Zomi u leh nau, Khua kipawlna leh biakna pawlpi khempeuh tung ah gen zawhloh lungdamna lianpi ZAM pan kong tangko uhhi.
Note :: PDF tawh na simnop leh
Hih link PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh Zomi Daily website tungpan kongsuaksak zelzel uhhi.
Comment piaknop aomleh...