Video: US Missouri ah vuuk kiatna hangin mawtaw 100 val kiphukhagawp

Video: US Missouri ah vuuk kiatna hangin mawtaw 100 val kiphukhagawp

USA, Missouri State sungah abeisa Sunday (Feb 4) ni in Snowstorm kici vuuk huihpi in nawkgawp hi. Tuabang in Snowstorm in Interstate-44 ah anawkna hangin mawtaw tampitak ki phukhagawp in, nupi khatin sihlawh a, adangzong mi 11 bangin liamlawh hi.

Tuabangin Snowstorm in anawkkhit tuahsiatna “Aftermath” tengpen Missouri Fire Department te’n vandawn panin Drone tawh Video zaih uh a, Monday ni in khahkhia uhhi.

Local TV Station leh Fox News te genna ah hih Snowstorm hangin buaina lianpi apianna pen Springfield geinai ah hi a, mawtawneu tampitak leh Tractor Trailers mawtawpi tampitakzong ki phukhagawp uhhi.

Mawtaw kiphutna ahuaisiatzah in asi khatbek kiza bibel a, tua asipen numei kum 63 aphakhin khat ahihi.

Missouri State Police te genkhiatna ah hih Snowstorm hangin mawtaw aki phukhagawp pen akigawm in mawtaw 100 valpha ciliang uhhi.

Video: Huge, deadly I-44 pile-up in Missouri seen in stunning drone footage

Vuuk akiatgawp ciangin mawtaw te apainading leh amai ah bangom cih gamlapi mutheilo uh ahih manin Missouri Highways tungah aki phukhagawp uh ahihi.

Hih tuahsiatna pen vandawn panin Drone tawh akizaihpen Conway Volunteer Fire Department te’n Facebook Page tungah khahkhia masa uhhi.

More: Slovenia gamsung ah mawtaw 50 val ki phukha gawp in mi 4 si, 25 liam

Missouri Transportation Officials te’n hih Interstate-44 Hihghway lamzikpi pen Monday ni in hongkik sakpan uh cihi. Lamzikpi atamzaw pen aki siansuahkhin hi a, ahi zongin pawlkhat ah mawtaw tuahsia te omlai hi ci’n Missouri Department of Transportation te’n genkhia uh a, Driver khempeuh kidawm in mawtaw hawl un ci’n zaksakna zong nei uhhi. Sawltak #zomidaily