American Singer minthang mahmahkhat ahi Ariana Grande in nungkhasung in Manchester ah Concert abawl laitak in Suicide Bomb puakkham ahih manin, mi 22 in sihlawh a, adangzong mi 59 bangin liamlawh uhhi.
Ariana Grande in ama Concert bawlna ah a endingin apai te atuahsiat pen lainat mahmah a, tua Suicide Bomb kitapna hangin tuahsiatna athuakkha Victims te panpih nadingin “Benefit Concert” bawlsakding cihi.
Tua Concert pen “One Love Manchester” cih min kivawh a, atuahsia te panpih nadingin Concert abawlngiat ahihi. Manchester khuasung mipi te’nzong ki lunglutlua mahmah a, Ticket bekbek akigawm in 45,000 akizuak pen Minute 6 sungin avekin kileikhinpah ciliang hi.
“One Love Manchester” Concert pen tuni Sunday ni in akibawlding ahihi.
Kum 23 bek aphapan leitungbup ah aminthang mahmah American Pop Star Ariana Grande pen Friday ni in London khuapi tungkhinta hi.
Video: Ariana Grande holding star-studded benefit concert after Manchester attack
Zanni Saturday ni inzong Manchester Bomb Attack hangin atuahsia zato lumte avehding in zato ah paikawikawi in thapiakna vaneikhin hi.
Atung a Photo zong kum 8 aphapan Lily Harrison kici naupangno kiangah natveh in ahawh laitak ahihi. Lily Harrison pen Manchester Arena ah Concert ente lakah akihel hi a, Suicide Bomb puakkhapna hangin aliam te lakah akihel ahihi.
Tuni akibawlding “One Love Manchester” ah lasiam minthang tuamtuam ahi Katy Perry, Miley Cyrus, Justin Bieber cihtezong kihelding cih kiza hi.
May 27 ni in Manchester ah Concert abawl laitak asi aliam tepen kalungtang sungah ka khantawn in omden dinghi ci’n “will be on my mind and in my heart every day and I will think of them with everything I do for the rest of my life” Ariane Grande in Twitter tungah gelhkhia hi. ZD Sawltak #zomidaily
Comment piaknop aomleh...