Kalaymyo: A 70th veina Zomi Nam Ni hong naita

Kalaymyo: A 70th veina Zomi Nam Ni hong naita

Sak leh khang laizom Zomi khempeuh na khut uh hong len masa ingh.Na om na peuh vuah a damciat dingin hong deih bawl ingh.Zomite hong tawisang in, naubang hong pom den i biak Pasianin minthanna leh pahtawina tang tawntung ta hen.

ZNCM nuai a om Zomi Nam Ni Committee te leh zomi khempeuh mapang khawmin zomite khuapi Kawlpi ah nasia tak in, bawl dingin,gelna te Topan hong tonpih in, ih hanciamkhop na te a mawkna suak lo in, a nuam theipen in minam ni zangto ding i hih manin, sum leh pai tawh a pang ding a kisap mah bangin, tha leh ngal tawh a pang ding zong kisam ahih manin, kuama peuh in aituam ngaihsut a ih hun manpha leh ih siamna tuamtuam sungkhawm in Zomi Nam Ni muakkhawm ni ci-in Zomi Nam Ni Committee in kong zawn uh hi.

Zomi na hih nak leh inntek hipah hi teh cih zong kithei sak nuam hang. Lengla om het lo in sep ding bawl ding a om leh sempah in,neek ding a om leh nepah a, ih om theih ding zong kithei sak nuam hang.

A tunga ih laipi Suante ih muh mah bangin, Zomi Nam Ni pen nopcitak leh picing takin, bawlding ih hih manin, sunsung kimawl ding te ahi zongin, lasa nuamte ahi zongin, anuai a Mawhpuak hong sepsak te Contact in min ahi zong, kimawl ding te ahih leh Team min cih bangin, ki ap, kipia theita hi.

Lasa nuam te in kizop zia ding;

• 1. Lasa Nu/ Pa Min
• 2. La Thulu
• 3. Phn Number

Cih teng leh Music pu te kiangah puak ding, contact person tungah nala music omsa ahih leh music tawh napuak pah in…… nitak khat lasak ding ki ciangtan ahih manin, Na la thulu leh namin a manlang thei penin, napuak in cih ki hanthawn nuam hi hang.

• Contact Person – Lia Khan Lun Phn – 09263071518
• Lataih Nading Mun : Bethel Zomi Baptist Church
• 17/2/2018 Saturday. : 1:00PM. to 6:00PM
• 18/2/2018 Sunday. : 1:00PM to 6:00 PM
• 19/2/2018 Monday. : 8:00 AM to 12:00AM

Lataih ding khangnote a kuama peuh in Pasian zahtakna tawh khamtheih peuhmah Biak inn sungah zang het lo in, siangtho tak in Pasian Biak Inn pi zahtak a, lataih na dingin, Zomi Nam ni Committee in kong theisak uh hi

KIMAWLNA DING VAI ZAKSAKNA

Kimawl vai ding tawh kisai a vengveng a om ZYA branch makai te tungah lai kipia dinga, veng min tawh ahi zong, group min tawh ahizong kimawlna ah na kihel nop leh aman lang thei penin, na Team min tawh tavuan neite tungah sazian kipuak theita hi. Kimawlna Team zong ciangtan om ahih manin, a puak ma sasa a hampha hongsuak ding hi. Kimawlna sungah khatna, nihna, Thumna kila to dinga, 20 nitak in letsong piakna zong om to ding hi.

Sports And Games Committees

• 1. Go Sian Pau – 09233380320
• 2. Langh Do Khup-09257686733
• 3. Kam Dal -09257445588
• Kimawl Nading Mun : ZOMI HALL, ZBCM Compound
• Kimawl Ding Hun. : 19-20 Feb,2018.
• : 8:30 AM to 11:30AM
• : 1:00PM. to 4:00PM
• Kimawl Ding Namte
• 1. Valley Ball
• 2. Chinlong
• 3. Pingpong
• 4. Chess

Stage Bawl Ding Vai

Sehsa om mah bangin, zomi kipawlna tuamtuam tawh khut kilen in mapang khawm ding ih hih manin, hunlap tak leh lawptak in, kalsuan khawm ni cih Zomi Nam Ni Committee in hong zawn phapha ungh.

Stage bawlna hun sungah zomi kuamah kidei dan lo in, mapang khawm a semkhawm leng cih zong hong zawn phapha ungh.Nasem a kuan khempeuh leh a gim a tawl khempeuh niangtui a kipan a kisam bangin, Committee in hong vaihawm toto ding hi.

Amun mun a phuakphual a om zomi laizom a neu penpan a lianpen dong tungah Zomi Nam Ni nopna thupha, lawhcinna thupha, damna thupha leh cih theihna thuphate i biak Pasianin mikim tungah hong tungsak ta hen.

A kician zaw in theih nang, anuai photo na etsak in……

Thupuak .: Gin Than Tuang ( Secretary Zomi Nam Ni Committee)