Slovenia gamsung ah mawtaw 50 val ki phukha gawp in mi 4 si, 25 liam

Slovenia gamsung ah mawtaw 50 val ki phukha gawp in mi 4 si, 25 liam

Central Europe gamsung ah Slovenia gamah Saturday ni in meikhu nasialua ahih manin lamzikpi tungah mawtaw Accident piang a, mawtaw 50 valbang ki phukha gawp, ki thuakgawp cih Local Police te’n genkhia uhhi. Hih Accident hangin mi 4 in sihlawh a, mi 25 liamgawp cihzong AFP News pan kiza hi.

Police Spokeswoman Anita Leskovec akicinu in AFP News te kiangah agenkhiatna ah mi 4 sipah a, adang mi 25 te zong liamgawp uhhi. Lamzikpi zong aki siansuahsan laitak hi a, adang asi aliambel ki behlap samloding in ki lamen hi ci’n genkhia hi.

Ama genbehna ah mawtaw aki phukha pen 55 atawmpen phading a, tualak ah mawtaw aneute bekthamlo, Lorry leh Bus tampi zong kihel cihi.

Meikhu hangin khua kimu siangthei mahmahlo ahih manin, hih buaina apiankhitzawh asawtlo in hihmunteng mahah mawtaw adang aki phukha thum leh li omkiklai hi cihzong genbeh hi.

Public Radio Slovenija pan inzong hihvai tangko khia uh a, Accident apianna pen Slovenia gam ii khuapi ahi Ljubljana City panin 60 km khawng agamlatna ahi Senozece khua geiteng ahihi.

https://www.youtube.com/watch?v=vR5OS1NNe_4

Hih Accident hangin Ljubljana City leh Adriatic Coast kizopna lamzikpi Highway tezong ki khakcip phot cihzong kiza hi.

2015 kum February khasung inzong Korea gamsung ah meikhu meizun tamlua mahmah ahih manin, mawtaw hawlte’n hoihtak mutheilo a, mawtaw 100 val khawng ki phukha in, ki thuapgawp ngeikhin hi.

England gamsung ahzong nungkum 2015 kum February sungmah in Hihgway lamzikpi tungah Accident nasiatak in piang a, mawtaw 40 val ki phukha gawp ngei hi. ZD Sawltak #zomidaily