Mexico ah apuakthei puakkham, mi 29 si

Mexico ah apuakthei puakkham, mi 29 si

Dec. 21, 26, 2016: Zan nitak lamin Mexico City panin km. 32 gamla a om Tultepec khua ah Lungdam bawl ciangin a puak thei tawh muak-a puak thei kimawlna (fireworks) tawh muakna dingin a puak thei bawlna San Pablito fireworks market pua ah a puak thei nam khat pyrotechnics kici puakkham a, San Pablito fireworks market sung kang gawp in, mi 29 a sih banah mi 70 kiim in liamna tuak uh hi.

Television maante ah tua sumbuk katna hangin tua sumbuk tungah meikhu kai ngeungau leh tua sumbuk lo kihal khitna mun tawh kibang kisuaksak hi. Mexico ten Lungdam bawl ciangin a puak thei nak puahsak mahmah uh a, tuate pen tua sumbuk ah kinak bawl mahmah a, tam kiseng/kikoih mahmah hi. Hih tuahsiatna mit tawh a mu kum 20 mi Cesar Carmona in mipite lau in kam ngeingai in, a lang a langah taikeek gawp uh hi ci hi.

Liamna tuakte lakah naupang 13te a pum uh 90% kang ahih manin US gam-a Galveston, Texas ah kep dingin kipuak hi ci-in State of Mexico governor Eruviel Avila in ci a, hih mun puaksak kuate hi ding hiam cih kikan lai a, daan kipia ding hi ci hi. Tuahsiatna tuakte zong sum tawh huhna kipia ding hi ci-in gen beh hi.

Head of Tultepec emergency services Isidro Sanchez in bel bitna ding a kicing tan a kisapna leh thudon loh manin (lack of sufficient safety measures) hih bang tuahsiatna piang hi ci hi. Federal police ten hih thu kan dingin forensic team-te tuahsiatna munah kisawl hi ci hi.

More: Germany Christmas Market khat mawtawpi in phulphei, mi 12 si, 48 liam

Puak thei puahkhapna munah sumbuk om 300 lak panin 80% kangtum hi ci-in state official Jose Manzur in ci hi. Local media in tua fireworks a puah lai-in fireworks tonnes 300 sumbuk ah om hi ci hi. Source: Al Jazeera and news agencies/ Thang Khan Lian