Australia, Melbourne ah Hot Air Balloon khat kia in, mi 7 liam

Australia, Melbourne ah Hot Air Balloon khat kia in, mi 7 liam

Australia, Melbourne ah Hot Air Balloon khat kia ahih manin, mi 7 in liamlawh uh cih AFP pan kiza hi. Tua Hot Air Balloon pen zingsang khuavakma, nisuahma in “Dawn Tour” ci’n vandawn ah alentoh laitak in akiasuk ahihi.

Television sungah aki suahsakna ah tua Hot Air Balloon akiatna munpen Melbourne panin 60 km (37 miles) agamlatna, Dixons Creek ah hi a, cina puakna Ambulance mawtaw pawlkhatzong kimuthei hi.

Ambulance Officials te genkhiatna ah Hot Air Balloon khat Dixons Creek ah kiasuk hi. Mi 7 tepen anung aliamtawh, aguh akilawi tawh liamna pawlkhat om ahih manin Ambulance Victoria Paramedics te’n zato ah puak uhhi ci’n genkhia hi.

Hih buaina, tuahsiatna aom ciangin Paramedics tepen zingsanglam 7am hunpawl in akisam ahihi. Aliam te lakah atamzaw pen kum 60s valkhin vive hi uh a, agim gawplua bel kuamah omsamlo in, Stable Condition hi ci’n thunei te’n genkhia uhhi.

Local Report pawlkhat ah hih Hot Air Balloon pen akumsuk dingin akithawi laitak in huih hatlua cihi. Huih in nawkgawp ahih manin, Basket sungah atuang pawlkhat akiasuk uh cihi.

Victorian state hot air balloon industry panin thunei Spokesman ahi Damian Crock in agenna ah hih Hot Air Balloon pen ummawhloh laitak in thakhatthu in hoih hatvat in nawkgawp ahih manin, ahawlpa Pilot inzong leilak ah hoihtak kumsuk theilo cihi.

More: Taunggyi ah thauvui puakkham in meikuanggawp, mi 1 si in 3 liam

Hih Hot Air Balloon pen “Go Wild Ballooning” kici te ii neihsa hi a, Yarra Valley dungteng ah Tourist te vandawn panin a etpihzel uh ahihi. Hot Air Balloon tungpan in agalkhat ah Melbourne zong ki galmuh a, lenggah kiciinna Vineyards tungteng leh mualdungteng atungpan ki enthei hi. Sawltak #zomidaily