USA, Tulsa pan Tg. Mung Sian Tuang (Tung Tuang, Zil-Om) in hongnusia
Mangpha Tg. Mung Sian Tuang (Ni 4) Zil-Om Beh – Tung Tuang khuami Tulsa, OK USA aa ateng Pa Dal Lian Tuang leh Nu Deih Cing te tapa Tg. Mung Sian Tuang in abeisa June 5, 2022 in Lungtang damloh na tawh hongnusia chih thu izak man in ZIUSA kipawlna mintawh dahpihna i pulak hi.
Nau Tuang i a Nu leh a Pa Zomi Innkuan Oklahoma ah member khat leh ZIUSA Genvai member pom active member ahih man un thumeilet/policy zuiin (25%) Death Benefit $3750 kipiakhia ding aa paakkual $150 man khat tawh zong mangpha khakna kinei ding hi.
Nau Tuang luanghawm tawh anunung pen hunzatkhop ding hong tung ding , Tuesday 6/7/2022, 12:00PM in FEMC makaihna tawh, Funeral Service bawl khit ciang Rev.Dr. Cin Khaw Kham in han ah vuina nei hi.
More: USA, Tulsa pan Pa Kham En Do (Tungtuang, Zil om) in hongnusia
Nau Tuang hong nusiatna hang adahakap alungleng khuangai tanau meltheih khempeuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Zomi Innkuan USA, Inc.)
Comment piaknop aomleh...