Kum 4 sung aki khakcip Melaka khuasung Monorail Service kipan kikding

Kum 4 sung aki khakcip Melaka khuasung Monorail Service kipan kikding

Malaysia, Melaka khuasung ah abeisa in akizangngei aomngei ahi meileng “Monorail Service” pen asiatna om ci’n Technical Problems tawh 2013 kumpek akipan adinkhawlcip “Suspended” ahihi. Ahi zongin adinkhawl khitzawh kum 4 khitciangin Melaka Monorail Service pen kizomkik theitading cih Bernama pan kiza hi.

Hihvai tawh kisai in thunei ahi City mayor Datuk Zainal Abu in agenkhiatna ah Melaka Monorail Service pen Monday ni akipan kizangkik theita hi ci’n genkhia hi.

Melaka Monorail Service pen Weekdays sung ahihleh zingsang 10am panin nitak 10pm dong kitaisak hi. Weekends te ah 10pm panin kikhanto sawnlai a, zankim Midnight dongin kitaisakding cihi.

Tulaitak pen Coach khatbek tawh kitaisak photding a, khatvei ataisim in mi 15 ta tuangtheiding cihi. Tua meileng pen vialkhat “Round” khat atunkik nadingin Minute 30 sung hunbeiding a, tuanman Ticket khatciangin Rm10 ta hiding cihi.

Hih Melaka Monorail Service meileng asauna pen 1.6km hi a, Taman Rempah panin Jalan Bunga Raya aom Hang Tuah Station dong akilamna pen RM16.5 Million sumbei in akilam ahihi.

Chief Minister Datuk Seri Idris Haron in abeisa in agenkhiatna ah hih Melaka Monorail Service pen khuasung kikawmna Public Transportation bangdan in zatding hilozaw in, Recreational Purpose ngiat in akibawl ahihi ci’n genkhia hi.

Melaka Monorail Service pen sumtampi bei in akibawlkhit asawtlo 20 October 2010 kumin Passenger mi 20 atuan laitak in awkcip hi. Hang Jebat Station panin 100m agamlatna ah a awkcip ahihi.

Tuazawh kumkhat khitciangin Hong Kong panin Tourist mi 18 atuan laitak in khatvei awkcip leuleu hi. Tuazong Hang Jebat Station panin 300m agamlatna ah a awkcip ahihi.

More: Malaysia, Melaka khuasung ansai khatah Gas bung puakkham

Tuabangin buaina lianpi nihvei kituakngei ahih manin, Land Public Transport Commission te’n Melaka Monorail Service pen khakcipphot dingin thu apiakna tawh kizui in kum 4 sungbang kizang vetlo in, aki khakcip ahihi.

Melaka Monorail Service pen “China-made Monorail Line” kici a, Melaka River dungteng kitaisak in, Tourists tampi alunglut nading in akibawl, akilam ahihi. Sawltak #zomidaily