Malaysia, Kajang vengsung ah India gammi 2 kithatlum
Malaysia, Kajang vengsung ah India gammi pasal 2 asisa in kimu cih NST pan kiza hi. Kajang, Seri Kembangan, Taman Balakong Jaya sung aom Industrial Area sungah Saturday (Dec 02) nitaklam in akimukhia ahihi.
Khuasungvak Passerby khatin amukhiat masak hi a, tua India gammi nihte pen anih un sikhin cihi. Temta tawh akidawt, akisatgawp in asi hiding kici hi.
Building lutna Entrace geikhat ah Saturday nitaklam 7:45pm hunpawl in khuasungvak anawkkha Passerby khatin amuhkhiat hi a, amuhphet in patau mahmah a, Police te zasakpah hi.
Tua Indian Nationals tepen kum 20 gualpawl hi uh a, tua Area sungteng ah nasem in aom uh hiding kici hi. Police te’n athu hoihtak in akansan laitak uh kici a, asihdan, temtawh akidawtdan aki etciangin hihpen akithatngiat Murder Case hiding kici hi.
Hihvai tawh kisai in Palik thunei khat ahi District police chief Assistant Commissioner Ahmad Dzaffir Mohd Yussof in agenna ah hih India gammi nihte pen aluanghawm gei ah si tampi luangkhia in, asisa in akimu ahihi. Aluanghawm geinai ah sumbawm leh sumpawlkhat zong kimu ahih manin, hihpen sumdeihman in damiah akitaih, Robbery Case hiloding hi ci’n genkhia hi.
More: Kum 19 aphakhin numeikhat innkuanpih te’n alawmngaih tawh awilo in thatlum
Aluanghawm te anih in Serdang Hospital ah Postmortem bawlding in kipuaksak hi. Police te’n aluanghawm geinaiteng azon kawikawi hangin aki thahlupna, temta akizang, hiam akizang bangmah muhkhiat neinailo uhhi. Hihvai pen “Section 302 of the Penal Code for murder” tawh thu kibawl in, mithat te kizonsan cih kiza hi. Sawltak #zomidaily
Comment piaknop aomleh...