Penang ah mikhat kidawtlup vai hangin Myanmar gammi 5 kiman
Malaysia, Penang ah temta tawh kidawtna vai hangin Myanmar gammi 5 matthuak cih NST pan kiza hi. Tua akiman Myanmar gammi 5 lakah numei khatzong kihel a, ki dawtlupna vaitawh Police te’n thudotna neihding in akiman kici hi.
Hih thupiang pen Penang, Taman Pulasan vengsung aom Flat Unit khatah pasal khat aki dawtlupna vai hi a, tua dawtlup athuakpa pen agil panin temta tawh aki dawtlumsa in aki mukhia ahihi.
Kumpi thunei ahi Seberang Prai Tengah district police chief Assistant Commissioner Nik Ros Azhan Nik Ab Hamid in agenkhiatna ah dawtlup athuakpa leh akiman mi 5 tepen innkhat sungah aomkhawm uh cihi. Akiman mi 5 tepen kum 27 pan kum 40 gualpawl vive ahi uhhi.
Dawtlup athuakpa ahihleh kum 55 aphakhin khat hi a, Saturday ni in aomna Taman Pulasan vengsung aom Flat Unit sungah asisa in akimu ahihi. Apumpi pen temta tawh kilimdawt mahmah a, agilpi amailam panin 13 veibang akidawtliam kimu in, anunglam paninzong khatvei aki dawtliamna kimukhia hi.
Hih buaina thupiang aom ciangin Police te kizasak a, Police te aphual atun uhciangin innsung Living Room sungah sitawh kidiah pikpek in asisa in aom kimukhia hi.
Buaina vai atheihpihkha Witness khatin agenkhiatna ah tua asipa pen Myanmar gammi te nasep azonsak kawikawi khat cihi. Bukit Tengah vengsung aom setzung “Factories” te ah Myanmar gammi te nasep a puakkawikawi ahihi.
Asipa pen zi aneinailo Single laikhat hi a, Myanmar gammi 10 khawngtawh inndei 3 apha innsung khat ah aomkhawm uh ahihi.
More: Malaysia, Ipoh ah Myanmar gammite kitawngin khatpa temtawh kidawtlum, 1 liam
Athu atheihkha Witness pa ii genna ah dawtlup athuakpa pen Myanmar gammi te nasem in apuakkhit ciangin aomna inn ah aciah cihi. Tuakhitzawh nai 4 khitciangin nasem te an apuakding pailo ahih manin, aomna ah akikan ciangin asisa in akimu kici hi. Sawltak #zomidaily
Comment piaknop aomleh...