Malaysia, Melaka khuasung ansai khatah Gas bung puakkham
Malaysia, Melaka khuasung aom an zuakna Food khatah Gas bung puakkham in mi 4 liam cih NST pan kiza hi. Melaka, Medan Selera Semabok sungah zanni nitaklam in apuakkham hi a, aliam te lakah Food Stall nasem te leh naupang kum 12 gual khatzong kihel uhhi.
Bukit Katil Fire and Rescue Department chief Alias Ahmad in agenkhiatna ah saineinu (Owner) in saimai kongkhak ahon lianleh apuakkham cihi.
Hih Food Stall apuakkhapma in ageinai saizuak te’n saineinu phone tawh hopih uh a, nasaisung panin Gas gimnam kiza hi ci’n zasak uhhi.
Saineinu zong asungah bangci hidinghiam ci’n a ending in paipah hi. Saimai kongkhakpi ahonlian leh asungpan in puakkhamlian hi.
Saisung panin Gas bung apuakkhap ciangin saineinu leh midangkhat akinaipen ah omkha ahih manin, limliam mahmah uhhi.
Video: Gas explosion at Melaka asam pedas stall injures four
Adang mi 2 zong liam uh a, tualak ah naupang kum 12 aphapan khatzong kihel cihi.
Ageinai aom sai tezong siatlawhzo cihi. Firefighter thunei te genna ah hih tuahsiatna vai hongki zaksak ciangin nitak 6:50pm hunpawl in aphual ah katung uh cihi. Minute 7 sungin meikuang teng kiphelhsiangzo in, ageinai meikuang akilawhlo dingin ki phelhsiang hi ci’n genkhia hi.
Aliam teng khempeuh avek un Melaka Hospital ah zatui kibawlding in kipuak uhhi. Zanni mahmah inzong Hong Kong khuasung aom Restaurant sungkhat ah Gas bungmah puakkham kici a, mi 4 liam cih kiza hi.
Anhuanna Gas gung tepen amathu in Gas apaikhiatloh nadingin hoihtak etphat huaihi. Gas kizopna Pipe tezong aluiluat ciangin laihzelzelding thupi hi. Ahih theihleh Gas bungpen innsung abitcipna khawngah koihsang in, innpualam huih ngahna khawngah kikoihleh akehkhak zenzenlehzong huihlak ah thengmangziau ahih manin lauhuailozaw hi.
Related: Nulepa taktaktawh aomlo numeino khat akempa in abeisa kum 4 sung buanden
Gas bung nalaihsak ciangin pawlkhat nasem hongpuak te’n thuahsukziau in, nusiaziau uhhi. Gas bunggei hoihtak encian inla, nabil tawh limtak ngai in. Akehleh kiphitpah seuseu ahih manin, akehloding in bawlphat pahding ahihi. Sawltak #zomidaily
Comment piaknop aomleh...