Meileng lampi tungah Model khat Photo akizaih laitak meileng in taihlum
US, Texas State sungah Model numei khat meileng lamkabom ah Photo akizaih laitak meileng in taihlumkha cih Yahoo News pan kiza hi. Friday ni in thupiang hi a, tua Model nupen agilsung ah nau apaaikawm hi in, anu leh anau anihin asi himawk hi.
Tua Model nu minpen Fredzania Zanie Thompson hi a, kum 19 bek phapan hi. Navasata Railway Crossing ah meileng lampi akituahna alaizanglian ah Photo kizaihin abuai mahmah laitak uh meileng in nawkkha cihi.
Fredzania ii alawmpa pen kum 25 aphakhin khat hi a, aminpen Darnell Chatman ahihi. A lawmnu in agil sungah nau apaailam pen atheihkhiat uh sawtnailo cihi.
Meileng lampi nih akituahna ah khatpen BNSF Company te meileng lampi hi a, adang khatpen Union Pacific te meileng lampi ahihi. Meileng apai laitak in meileng lam maingaksa in Photo akizaih uh hi a, akizaihkhit phetin meileng tungpheidekta ahih manin, alanglam ah akihep pheileh alanglam ahzong meileng khat napailianmawk ahih manin tua in nawkkha citciat hi.
Amanlang in ageinai aom zato ah kipuakpah himahleh zato panin siziau hi. Hih tuahsiatna amukha te genna ah meileng nihpen Photoshoot na aphual atunphei madeuh un Horn tumtuak uh cihi. Ahi zongin Model nu in meileng khatbek mu in, khatbekmah apai sa ahih manin, alanglam ah akihep laitak in anawkkha ahihi. Photo azaih Photographer inzong meileng nih apailam phawkkhalo hi.
Navasota Director of Public Safety Shawn Myatt in agenkhiatna ah meileng pen apaihun genciantheih omlo ahih manin, meileng lampi tungah kuamah paiding akiphallo himah hiven ci’n genkhia hi.
More: Ferris Wheel geiah Selfie Photo kizaihna panin aluvun kihawk
Atung a Photo pen Model Fredzania “Zanie” Thompson in tuani asih madeuh in akizaihkhak Photo hi a, ama adingin anunung penpen Photo hiziau mawkta hi. ZD Sawltak #zomidaily
Comment piaknop aomleh...