International Army War Games ah Russia te Northern Fleet tembaw zong kihelding

International Army War Games ah Russia te Northern Fleet tembaw zong kihelding

Jan. 8, 2017: Soviet Union gam tuamtuam in a kikhenkhap khit nungin suahtakna ngah gamte pen CIS states [Commonwealth of Independent States] hong kici hi. Pawl khat in NATO beel in NATO member a ngah hangun hih CIS states kici pawl khat ten kitanauna hoih neih mahmah lai uh hi.

Tu kum in hih CIS ten International Army War Games (IAG) kici galdo ding dan lahna leh kidemna nei ding uh a, hih IAG ah zong Russian Northern fleet kici in kihel sam hi ung ci-in geelna nei ta uh a, International Army Games (IAG) 2017 kidemna (competitions) 28 lak panin kidemna 26 ah kihel ding hi ung ci-in Northern Fleet press service head Vadim Serga in tu ni-in pulak ta hi.

Hih IAG kidemna 28 lak panin kidemna 26 a Russian Northern fleet kihel sawm a, tuate lakah kidemna thak tuithe vangleng kidemna (drones competition) leh galdona mawtawte zanga galdona ah a mainawt ding zia kidemna “armored vehicles battle march” kicite ah kihel ding hi ung ci-in Northern Fleet press service head Vadim Serga in ci hi.

Hih IAG hunah ‘Military rally,’ kici kidemna zong om dinga, galdona mawtawte 2,000 kilometers [1,243 miles] kitaisak ding ahih manin hih kidemna ah zong kihel ding hi ung ci-in Vadim Serga in gen beh hi.

Vadim Serga in hih kidemna ah kihelna dingin training December 1, 2016 kipan ta a, 2017 IAG pen a kigeelna bangin August kha ciangin kinei dinga, CIS states ten IAG thum vei a kineihna ding hi ta hi ci hi.

More: Gambup Thuvanpi Makaihna Ki-ukna (Parliamentary Rule) ~ Bob Tuangpi

2016 IAG pen July 30 panin August 13 dong Russia leh Kazakhstan in zindona na nei a, tua hunah kidemna tuamtuam 23 disciplines om hi. IAG ah gam 11 kihel kihel dinga, tuate lakah Russia, Belarusia leh Kazakhstan zong kihel dinga, CIS state sunga kihel lo China zong kihel ding hi. Source: Sputnik/ Thang Khan Lian