Ferris Wheel geiah Selfie Photo kizaihna panin aluvun kihawk

Ferris Wheel geiah Selfie Photo kizaihna panin aluvun kihawk

India gamsung ah nungakno khat Ferris Wheel gei ah amahlehamah Selfie Photo aki laksawmna panin agei nehluakha ahih manin asawmteng apeitung ah awkcip a, aluvum kihawk khia cihthu Daily Mail panin kiza hi.

Hih Accident apianna munpen India gamsung Delhi panin Tai 40 valdeuh agamlatna aom Baraut College gei ah thupiang ahihi.

Nungaknonu in Selfie Photo sungah Ferris Wheel limtak in asuakding deuhlualiang ahih manin, ageinai ah vanehluakha ahih manin asamteng apei in zialkha in aluvun ahawksak ahihi.

Hih Accident apiankhit ciangin Video Clip akizaihzong om a, numeino ii aluvum teng ki hawkkhia in kalvelval takpi ahih manin mulkimhuai mahmah hi.

Hih numeino pen kum 16 khawngbek phapan ci uh a, Ferris Wheel Operator te hanciamna tawh ki honkhiathei cihi. Ahi zongin aluvun aki hawkkhia himawk ahih manin, samteng beisiangmawk ahih manin Hospital ah kikem, kikhoiphot cih kiza hi.

Anuai ah Video Clip ki enthei dinghi. Na lauding leh enkei inmaw 🙁

Tulai khangno te pawlkhat amauleh amau Selfie Photo kizaihpen a thupit ngaihsut mahmah omthei hi. Selfie Photo kizaihding ciangin anungah bangom cih phawkloliang in hoihsaknuam lualiang in ki nungkinkinthei takpi hi. Ihnung ah bang omding, mawtaw tailai maw, innsangdawn maw, cihte zong ngaihsunzel in Selfie Photo kilakciang kidop mahmahding thupi hi. ZD Sawltak #zomidaily