ZOSIAM te Zogam ah kuanbaih tading

Dear Zomi ulehnau teng,

THUMASA:

Zomi leh nauteng, Pasian in geelna leh lamhonsakna tawh a (6)veina
Zosiam Gospel team te Zogam adung avai ah kuankik thei dingin hunpha
hongpia Topa tungah lungdamna iko masa hi.

KUAN HUN DING:

Jan 11,2015 ni in Kalaymyo Bethel Pawlpi ah ki apna nei ding.
Jan 12-17,2015 sung Zosiam te Zogam siam dingin kuan kik ta ding hi.

KUANNA DING MUN TE( CENTER DING):

1. Heilei Center ah- Heilei khua Center in kinei dinga, akim aom
khuateng kisam ding hi. Jan 12-14,2015 sung teng hidinghi.
Heilei khuami gamdanga omtengin zatui zaha manding teng hongsik uh
ahihmanin lungdamna lian mahmah hi.

2. Suangzang Center ah- Suangzang khua Center in kinei dinga, akim aom
khuateng kisam ding hi. Jan 15-16,2015 sung hiding.
Suangzang khuami gamdanga om tengin zatui zaha manding hongsik uh ahih
manin lungdamna lian mahmah hi.

ZOSIAM NASEPZIA:

1. Pasian nasem ten nitak in kha cina te bawl hi.
2. Siavuan Siamah ten sun sungtengin taksa cina te bawl hi.
3. Thulu tomnono tawh thugenna tuamtuam kinei hi.
4. Hausa /Pastor te leh khuazang bup tawh sem khawm hi.
5. Zatui zaha te Topa tungah apna hoih takin nei uhhi.
6. Anasem ding Zosiamte adamsak ding Topa Pasian cih tawh nasem hi.
7. Kamphen kul lo-in Zomi cina te in gensiang thei uh hi.

ZOSIAM NASEPNA GAHTE:

1. Kha cina tampi dam hi.
2. Taksa cina tampi dam hi.
3. Khuasungah kipumkhatna om hi.
4. Naupangte vision thak nei uh hi.
5. Siangthona thugenna hoihtakin kinei hi.
6. Siavuan Siamah ten Zogam khuaneu khuata te ah apumpi leh apilna
tawh thupha bawl thei hi.
7. Zato azuan zolo cina ten innphual zangpan in damna ngah hi.

ABEISA ZOSIAM NASEP KUM 5 SUNG ETKIKNA:

1. Zogam khuaneu khuata ah kipai in khua 100 in hamphatna ngah hi.
2. Cina mi 11689 kibawl khin ta hi.
3. Mimal/ innkuan/pawlpi leh kipawlna tuamtuam in sponsor pia hi.
4. Siavuan 12 ,Siamah 7 leh Pasian nasem leh akizang thei tuamtuam
mimal 35 kihel khin hi.
5. Center 10 ah kipai khin ta hi.
6. Khal eh taksa damna ding nasep ahih mah bangin akisam lo khua omlo hi.

LUNGDAMKOHNA LEH LUNGGULHKOHNA:

1. Thungetna leh sumlehpaai tha leh ngal tawh hongpan pih khempeuh te
tungah lungdamna kongko uh hi.
2. Hih nasep pen akikhawl pak thei nasep hilo ahih manin mailam ah
akua mapeuh tawh ma ipankhop ding kong zawn pha pha hi.
3. Cidamna khaici atuhte aci damding hi.
4. Gamdang pan midangte hongpai mengmeng zoloding ahih manin ei leh
ei ikivei ding hun hita hi.
5. Zosiam nasepna pen Topa mintawh akipumpiak nasep hi in, asem kha
peuhpeuh lungdam leh lungkim mahmah den hi.

KONGKHAK THAK KIHONG:

1. Hih Zosiam nasepna ah thungetna, tha leh ngal , sum lehpaai tawh
akihel nuampeuhpeuh te adingin nisim inkongthak kihong den hi.
2. Zosiam nasepna pen eite nasep ding ahihi. Mimal nasep ding bek
hilo in gambup leh minam bup nasep ding ahihi.

MAIKUM AH ZOSIAM TE KOI AH?

Topan lam honghonsak leh maikum ah Zosiam te pen:
1. Tuipi Khua Center khatna:
2. Ngalbual/Suangsang Khua te Center nihna dingin kigeel phot hi.
Lungdamna leh lunggulhna tawh,Zosiam team bup tangin,

Rev.Pau Khan Khai
Zosiam Gospel and Medical Ministry.
Dec 3,2014.

Contact nop aomleh:

502-291-1948 (US -Phone).
0949291972 (Myanmar Phone)
[email protected]
[email protected].