Zomi sungpan Tan 10 laivuanna All D ngahte pahtawina kipia tading
TTBA, Tonzang pan Sapna :: Khazih sunga om kong it Zomi a kua mapeuh, Na dam tek uh hiam, ci in i biak Pasian min tawh kong hopih masa hi.
Zomi Baptist Churches of America (ZBCA) te vaihawmna tawh ZBCM tungtawn in Zomi te sung pan Tan Sawm (Tan 10) “All D” ngahte mi khat 1,000,000/-mmk tawh pahtawina a piak uh mi 21 cinna hi ta hi.
2017-2018 tan sawm laivuanna ah Zomi numei 4 in “All D” hong ngah uh ahih manin Topa tungah lungdamna i ko hi.
ZBCA te in pahtawina “All D” ngah te 1,000,000/-mmk ta a piak uh pen Zanggam lam vive ah kipia a, tu kum 2018 kum in Khamtunggam Tonzang khuapi ah “All D” ngah te pahtawina hong pia ding uh ahih manin i lungdam mahmah hi.
Tua hi-a, a nuai-a hungeelna om bangin “All D” pahtawina biakpiakna hun ah Tonzang, Tuitum, Tungtuang khuasung a om pawlpi khempeuh in nong uap tek nadingun Zeisu min tawh kong sap hi.
A diak in “All D” ngah innkuan te bang Vialnang Memorial Baptist Church (VMBC) pawlpi in Zin tu’n nading hong kigin sak khin uh ahih manin nong tu’n hamtang nadingun kong zasak hi.
All D ngahte
- Lia Thawng Sian Tawi Cing : Kalaymyo
- Lia Ning Hau Ciin : Tungtung, Tonzang Township
- Lia Chung Muan Kim : Yangon
- Lia Roselyn Mang Huai : Matupi
“All D” Pahtawina Hungeelna
- A ni : 2 September 2018 (Sunday)
- Ahun : 02:00-05:00 PM
- Amun : St. F.X. Catholic Church (RC Biakinn), Tonzang
- : Jubilee Hall (RC)
Hih hun sungah nek le dawn (Refreshments) hong pai khempeuh hong kipia ding hi.
Rev. Thang Suan Kim
General Secretary
TTBA, Tonzang
More: Tan 10 All D pahtawina piak hunding kicianta
VMBC Tonzang pan itna taktawh ongmuak ung
Zomi Baptist Churches of America (ZBCA) te vaihawm siamna tawh ZBCM te deihsakna le TTBA te lunggulh na hang in ongtung ding 2.9.2018 ni in2018 Kum tansawm laivuanna ah laipil mahmah naupangte pahtawina Tonzangkhua ah omding cih i theih manin I lungdam mahmah hi.
Laipil naupang Te le a innkuanpih te VMBC huang sung ah ong giak ding cih thuhoih zasawnsawn ka hih man un ,kinak lungdam mahmah hi.
Note ong giah na hangin Tonzang khua sungpan mipil tampi ong piangkhia ngiat ta hen ci in up natawh ka la ngiat uhi.
Tonzang gam a ding thupha hawm a ongpai ding ZBCA makai te ,ZBCM vaihawm siamte leh thupha a lunggulh ngiat TTBA makaite le laipil naupang te Topa in thupha ongpia ngiat tahen. Cing Thuai
Comment piaknop aomleh...