McDonald’s te’n Malaysia gamsung ah Outlets 200 honbehding

McDonald’s te’n Malaysia gamsung ah Outlets 200 honbehding

McDonald’s Malaysia te’n Malaysia gambup ah hongtungding Decade “kumsawmhuam” sungin McDonald’s Outlet athak 200 val honbehding cih Bernama pan kiza hi. Hong tungding kum 2027 ma in McDonald’s bekbek saithak, Outlet 200 val abehlapding uh ahihi.

Managing director Azmir Jaafar in agenna ah McDonald’s Outlet athak 200 aki behlapding banah tulaitak in aomsa tezong hoihtak puahphatding geelna om cihi.

McDonald’s Outlet athak tampi ki behlap leh Malaysia gamsung ah nasepzong tampi aki behlapding suak a, khuasung mipi te’nzong nuamtak in netheiding uhhi.

Hihbang in McDonald’s Outlet athak tampi abehlap nadingin RM1.4 Billion sumzian bei in McDonald’s Outlet abehlapsawm, apunsak sawm uh ahihi.

Kuala Lumpur khuasung ah “Korean Spicy Burger” cih athakkhat honkhiatna aneihkawm in Managing Director pa’n agenna ah hihbang in sum tampi bei in Investment akibawlna pen manneiding in ki lamen hi. McDonald’s ane Customers zong tamsemsem hi ci’n genkhia hi.

Tulaitak McDonald’s Menu athakkhat behlap uh a, tuapen August 23 nidong ki vaikhak theihi. Tua Menu athakpen A la carte hileh RM12.99 in kizuak a, Set Menu ahihleh RM15.99 in kizuak hi. Tuasung ah Burger, Criss-cut fries leh Frozen Fanta kihelding hi.

McDonald’s leh Junk Food tuamtuam tamnekluat bel cidamnading in hoihtuak hetlo hi. Junk Food tamneklua pasal te bang abawtui uh cidamlo sakzo cimawk hi.

Related: Junk Food atamnek pasalte bawtui cidamlo

Ahi zongin Malaysia gamsung ah Zomi kitam mahmah ahih manin, McDonald’s te’n Outlets athak tampi hong behlap uhhenla, nidang KFC ah nasep tampi aki luttheih mahbangin, McDonald’s ahzong Zomi te nasemding in tampi hongla in, khasum tampi hongpiakding lunggulhhuai hi. Sawltak #zomidaily