Germany kumpi in Rakhine State sungah zatding in US$ 2.1 Million piading

Germany kumpi in Rakhine State sungah zatding in US$ 2.1 Million piading

Germany kumpi in Kawlgam, Rakhine State sungah cidamna lamsang Health Care ah zatding in US Dollar 2.1 Million huhna piading uh cih Mizzima pan kiza hi. Rakhine State sungah Humanitarian Aid kisapna ah zatding in, adiakdiak in cidamna Health Care lamsang ah zatding apiaksawm uh kici hi.

Hih vaitawh kisai in German Government in July 21 ni in Press Release neikhin uh ci a, tua huhna sumte pen khuaneu khauta te ah Basic Health Care te panpih nading leh aomsa Health Care te puahphat nadingin kizangding cihi.

Tuabek thamlo cidamna lamsang tawh kisai hilhsawnna Awareness Campaign tuamtuam inzong kizangding hi. Adiakdiak in nupi naupaai “Pregnant women” leh nupi taneithak te Special Focus in kineiding a, Health Topics theihhuai tuamtuam hilhsawnna Community Program te ahzong kizekding cihi.

Hih huhna Project pen Malteser International te tungtawn in akipiading ahihi. Hih huhna sum hangin Rakhine State sungah 01 June 2017 panin 31 May 2020 kikal “Reducing the vulnerability of conflict affected population by ensuring access to water, sanitation and hygiene (WaSH) in Rakhine State” akici Project pen sumlehpaai lamsang ah tampi in panpihtuamding kici hi.

Hih Project pen abeisa kumtampi sungzong German Government in apanpih, ahuhhuhsa ahihi. Tua nasepna ah Malteser International in khuasung mipi tetawh aphual ah semkhawm uhhi.

Rakhine State sungpen abeisa in Rohingya leh galkap kumpi te buaibuaina State khat ahihna tawh kizui in gamdang te’nzong ahehpih mahmah uh leh aki lunglut mahmah State khat hongsuak hi. Abeisa in Chin State mizawng tamna in hongki genzelzel himahleh tu’n Rakhine State pen mizawng “Poverty Rate” zong tammahmah kici a, gamdang te’nzong huhpah uhhi.

Related: Rakhine State sungah Yaba Pill kici vankham $270,000 manneiding kiman

Zogam sungzong kizawng mahmahlai, khuakhat leh khuakhat kikawmna lampi, lei “Infrastructure” cihte hoihlo, cidamna lamsang vanzat tuamtuam “Health Care System” hoihlo, etc… cihbang in ahoihlo puahphatding tammahmah laihi. Tuate hong vansakding, gamdang kumpi hau te’n tungah hong phutsakding makai kician, muanhuai, acitak tampi ihneihzawh nading in thungetna ah phawkzelzel ni. Sawltak #zomidaily