South Korea ah McDonald’s kizuak te bawngsa minlo ci’n ki Complaint

South Korea ah McDonald’s kizuak te bawngsa minlo ci’n ki Complaint

South Korea gamsung ah US fast-food Chain minthang mahmahkhat ahi McDonald’s te’n abawngsa zuakte uh amintak in kihuanlo hi ci’n Complaint tampi kibawl cih Korea Herald pan kiza hi.

Hamburger sungah akikoih bawngsa Patties tepen amin in kihuanlo “Undercook” ahih manin, tuahang in numei khatinzong cinatlawh khin kici hi.

Tuabang in alungkimlo innkuan khatin Food Safety Law zuilo hi ci’n McDonald’s Korea leh Seoul Central District Prosecutors’ Office te tungah Complaint bawl uh cihi.

Tua innkuan te genkhiatna ah atanu khat McDonald’s anekzawh nainih khitkhawng ciangin cinatlawh cihi. Korea gamsung ah akibawl McMuffin namkhat ahi McMorning Burger anekkhit ciangin “acute hemorrhagic enteritis” natna ngah ahih manin, thunei te tungah Complaint abawlpah uh ahihi.

Tuani mahinzong kum 30 aphakhin pasal khatin McDonald’s te kiangah Burger anekleh aki huanminlo kipia hi ci’n Complaint bawl kici hi.

Nungkalsung inzong naupang numeino kum 4 aphakhin khatin McDonald’s te kiangah Happy Meal Burger anekleh “hemolytic-uremic syndrome” ngahin cinatlawh cihi. Tua numeino pen tudong zato ah kikemlai cimawk hi.

Related: Junk Food atamnek pasalte bawtui cidamlo

Hihvaiteng hangin South Korea gamsung ah adiakdiak in naupangtawh akithuah innkuan te’n McDonald’s te tungah lungkimlo in, lungphona neihsawm uh cih kiza hi. Sawltak #zomidaily