Malaysia, Sepang ah Operasi lutin gamdangmi 16 kiman, naupang kum 2 gual nangawn matthuak

Malaysia, Sepang ah Operasi lutin gamdangmi 16 kiman, naupang kum 2 gual nangawn matthuak

Malaysia, Sepang vengsung ah tuni zingsangtung lamin Selangor Immigration Department te’n Operasi (Operation) bawl uh a, gamdangmi “illegal immigrants” akigawm in mi 16 mankhia uh cih Bernama pan kiza hi.

Tua akiman gamdangmi te lakah naupang 3 zong kihel uh a, Sepang vengsung aom nasem te omna innkhansung panin aki mankhia uh ahihi.

Immigration Department’s enforcement chief James Lee in agenkhiatna ah akiman te lakah Cambodia gammi 12 leh Indonesia gammi 4 kihel uh cihi. Tua akimante pen kum 2 panin kum 53 kikal cihi.

Selangor Immigration Department te’n nai 3 sungtak zanthapai in Operasi abawl uh hi a, gamdangmi akigawm in mi 20 thusitna nei uh a, tualak ah mi 16 amatsuak uh ahihi.

Akiman te lakah mi 7 tepen Legal Travel Documents neinawnlo uh a, Overstay tawh Malaysia gamsung ah aomcipsuak uh ahih manin akiman cihi.

Related: Kim Jong-nam athat numei 2 te Kajang thongah thusitna kineiding

Cambodia gammi akiman te lakah numei 7 leh pasal 2 kihel uhhi. Tuate lakah naupang kum 2 gualpawl zong kihel uh cimawk ahih manin, atheikha azakha te’n ki khasiat phadiak mahmah hi. Naupang akiman tepen pasalno 2 leh numeino 1 ahihi. Sawltak #zomidaily