Singapore ah aki lamsan lei kicim in mi 1 si, adang mi 10 liamgawp

Singapore gamsung ah aki lamsan lei kicim in mi 1 si, adang mi 10 liamgawp

Singapore gamsung ah akilamsan laitak lei khat kicimsuk ahih manin mi 1 si in adangzong mi 10 bangliam cih Straits Times pan kiza hi. Tuni Friday zingsang tunglamin Singapore Pan-Island Expressway (PIE) geinai aom Tampines Expressway (TPE) pusuahkhiatna ah tuahsiatna apiang kici hi.

Singapore Civil Defence Force (SCDF) te genkhiatna ah hih lei kicipsukna hangin nasem khat aphual ah sipah ci a, tualo adang nasem mi 10 zong liam ahih manin Changi General Hospital ah kipuak cihi.

Aphual ah asipah nasempa minpen Mr Chen Yinchuan kici hi.

LTA (Land Transport Authority) te Statement khahkhiatna ah hih Project pen Or Kim Peow Contractors Pte Ltd te nasepna hi a, lamzikpi in akizangding lei akidawhna khuam khatleh kaht kikal akicimsuk ci uhhi.

LTA thunei te’n hih Construction Site kisepna mundang tezong lauhuaina aomhiam ci’n hoihtak sitcianna nei uhhi.

Singapore Civil Defence Force (SCDF) te genna ah hih tuahsiatna Accident apian hunpen tuzingsang 3:35am hunpawl ci uhhi. Tuahsiatna apian ciangin SCDF Officers akigawm in mi 60 bangin tuahsiatna munah delhpah uhhi.

Tuaban ah uipil K9 Search Dogs honkhat tawh lei kicimnuai ah asi aliam aomhiam ci’n Search and Rescue Operation kipanpah uhhi. Zingsang 7am hunpawl ciangin Search and Rescue Operation ki mansiangpan a, nasem khempeuh avek un ki sitkim, misimna kineikhin cihi.

Video: Scenes after a flyover collapsed along the PIE Part 1

Aliam nasem te pen Banglaesh gammi leh Chinese gammi vive kici hi.

Nasem te lakpan in khatpa ii genkhiatna ah Concrete abuaksuk laitak in aki cimsuk hi ci’n genkhia hi. Aliam tezong limliam mahmah uh a, khatpa pen akhe kitan in, adang khatpa pen apumpi sikzum in vutlet in vangliang cihi.

Related: Singapore meikanglak ah nasem 2 awkcip in, ahunlap in ki honkhiathei

Akicimsuk lei pen 5 Meter asanna panin aki cimsuk hi a, asipa pen kum 31 aphakhin Chinese National khat hiding cih kiza hi. Singapore gamsung aom Construction Site tepen Safety aompen pawlin akigen hi a, mundang gamtuamtuam te  sangin tuahsiatna kiza pakpaklo hi. Sawltak #zomidaily