MCCFA khawmpi noptak kibawl thei

Myanmar Christian Churches Fellowship of America (MCCFA) khawmpi noptak kibawl thei

Nu leh pa, lawm leh gual aw,
1. Myanmar Christian Church- Tulsa, innteek in, MCCFA khawmpi a khatveina ki muh khopna September 16-17, 2015 sung teng nop tak ki nei thei ahih manin Pasian hehpihna ii phat mahmah hi.

2. MCCFA in Upna Dal in, Ki Pum Khatna tawh Itna a Lak khia ki pawlna, (Protecting Faith, Expressing Love Through Unity in Christ) network neih khop dingin aki pankhia ahihi. Hih hangin US gammite theihpih tak kipawlna picing a suak dingin zong ki lamen hi.

3. US leh Cannada huam dinga ki bawl ahihi.

4. Hih khawmpi ah hong kihel dingin, sap theih, bat zawh tan kisam a, vaituamtuam hangin tampi hong pai zolo a, ahi zongin pawlpi 11 pan taangmi (delegate) hong ki pai thei ahih manin lungdam huai ii sa mahmah hi.

5. Khua 8 pan hong ki pai hi. Kawlgam pan observers: Dr. Thang Za Tuan te nupa leh Sia Deih Lian te zong hong kihel thei uhhi.

6. Hih khawmpi sung khua pua pan hong pai teng hotel ah zin ki tung sak a, conference mun ahi, MCC Youth Center ah sun an, nitak an ki vak suak pah hi.

7. Mailam teh, a tangzai theithei in na sep ding ngimna leh, tupna ki nei hi.

8. Khawmpi pan khensatthupite hih anuai a bangin tom lak in, kong pulak hi.

a) Makaipi (Board) dingin, mi 5 ki teel khia hi. Tua te in: (1) Rev. Dr. Kham Khan Khai, President; (2) Rev. Siang Lian Hup, Vice President; (3) Rev. Cing Lek, Secretary; (4) Rev. Kham Do Thang, Assistant Secretary; (5) Sia Kam Pi, Treasurer

b) MCC, Tulsa khuapi pen, headquarter dingin kikip sak hi.

c) Annual member fee pen (1) pawlpi mi member 100 nuai siah $100 leh a tungsiah piak zawh na zah; (2) Pawlpi member 100 tung siah $ 150 leh a tungsiah piak zawhzah.

d) Youth lam a van dingin Rev. Kham Do Thang, Advisor; Sia Diciple Kap Sian leh, Sia Do Suan Lian (Tha Ngee) te ki seh hi.

e) Mission & Relief lam van dingin Rev. Siang Hup Lian, Siama Cing Lek leh Siama Nu Khan te kiseh hi.

f) Kipawlna patkhiatna dingin sumbul dingin delegate te tung pan piak zawh zah ki donga, $ 2,000 val ki ngah hi.

g) Kumpi tungah REGISTER bawlpah dingin ki khensat hi

h) Website zong bawlpah dingin ki thu kim a, Sia Diciple Sian ki seh pah hi.

i) Mai kum 2016 sungin MCC-Tulsa mah ah neih kik dingin kikip sak hi.

j) Ahun pen September 1, 2016 nitak zintung in, September 2-3, 2016 sung khawmpi ki nei kik dinghi. (Labor Day weekend in ki nei kik ding hi.)

k) A lunglut peuhpeuh pawlpite member hong lut theih dingin zong ki hong (welcome) hi.

Youth lam a van dingin Rev. Kham Do Thang, Advisor-Miami, Florida; Sia Diciple Kap Sian-(MCC TULSA) , Sia Do Suan Lian (Tha Ngee-PORTLAND) , Pa Boi (OKC) te ki seh hi.

Contact nop a om leh Sia Khaipi (918) 284-4344 or Siama Cing Lek (956)-324-9911 kiangah zong ki dong thei ding hi.

MCCFA in amai nawt semsem ta hen. Amen.

Pasian gam leh adikna a dingin,

Rev. Dr. Kham Khan Khai (Sia Khaipi)
President
MCCFA