Office 2013 ah Picture Manager ki helnawnlo

Office 2013 ah Picture Manager ki helnawnlo

“Microsoft Office Picture Manager” ahih keileh “Picture Manager” ci’n ihtheih ahi Software Program pen “Microsoft Office Suite Version 2003” akipan “Microsoft Office Suite Version 2010” dong hongki helto suaksuak a, Basic Photo Edting bawlnading in zatnop mahmahlel cihtheih ahihi.

Ahi zongin tua Picture Manager pen Office 2013 Version ah hong kihelsak nawnlo leuleu uhhi.

Ataktak in Picture Manager zong “Microsoft Photo Editor” taangin aki zangto, aza luahto ahihi. Nidang Microsoft Office 97 akipan Microsoft Photo Editor aki zangngekngek hi a, ahi zongin Microsoft Office XP dongbek ki zangsuak hi. Tua khitzawh Picture Manager tawh aki laihto hi a, tu’n Picture Manager zong Microsoft te’n khawlbawlphot leuleu uhhi.

Tualeh Microsoft te’n Office 2013 ah Picture Manager ki helsak nawnlo uh cileng Photo Edit bawlpakpak nading in bang kizangthei dinghiam?

Picture Manager azalaihto dingin Microsoft te’n “Windows Photo Gallery” hongbawlkhia leuleu uhhi. Windows Photo Gallery ah nidanglai Picture Manager sung akihel Feature te banah adang Feature thak tampitak zong kihel hi. Tuaban ah Windows Photo Gallery pen Microsoft Office Suite tawh aki helkhawm hinawnlo a, amahguak atuam in ki Install theihi. Tuaban ah amawkna FREE in Microsoft te Website pan Official in ki Download thei ahih manin, Pirated Copy cihte zatzat kulsese nawnlo hi.

Related: Microsoft te’n Kawlgam ah Country Manager koihta ~ ZD

Picture Manager ahih keileh Microsoft Office Picture Manager bel mangpha khakphotding hileuleu hi. Ahi zongin nazatnoplai tentanleh Microsoft Office Version 2003 leh 2010 kikal pan na Install kulding hi. ZD Sawltak