Malaysia NSE Highway tungah mawtaw 3 kiphukha in, mawtawkhat meikuanggawp

Malaysia NSE Highway tungah mawtaw 3 kiphukha in, mawtawkhat meikuanggawp

Malaysia gamsung North-South Expressway (NSE) lamzikpi tungah mawtaw khat meikang in akuanziahziah laitak Video leh Photo pawlkhat tuni in Social Media ah ki thehzak hi. Tua mei akuang ziahziah mawtaw pen Malaysia gampan akibawlkhia Proton Waja mawtaw namte kici hi.

Hih thupiang pen tuni Saturday zingsanglam in North-South Expressway (NSE) lamzikpi tungah thupiang ahihi. Zingsanglam 7am hunpawl in North-South Expressway lamzikpitung aom KM160 munah mawtaw 3 tak kiphukha, kitaihgawp in tuatungtawn in mawtawkhat mei akuanggawp kici hi.

Mei akuanggawp mawtaw pen Proton Waja hi a, adang aki phutkhakpih mawtaw tepen Kia Spectra khatleh Proto Gen II namte ahihi.

Proton Waja mawtaw pen mei akuanggawp madeuh in ahawlpa pen amanlang in taikhiathei bilbel ahih manin, kuamah asi aliam omkhalo kici hi.

Hihvai tawh kisai in Sungai Bakap Fire and Rescue Department spokesman khatin agenkhiatna ah tuahsiatna Accident aom ciangin zingsanglam 7:13am hunpawl in kokiang ah hongki zasak hi ci’n genkhia hi.

Video: Several photos and video footages of a Proton Waja going up in flames on the North-South Expressway (NSE) near here, have found its way into social media earlier today. It is understood that the 7am incident at Km160 of the NSE was a result of a crash involving three cars. The other two cars involved were a Kia Spectra and a Proton Gen 2.

Tuaciangin Sungai Bakap Fire and Rescue Department te’n delhpah uh a, Minute 10 khitdeuh in aphual ah tungphei uhhi. Aphual ah katun uhciangin mawtaw 3 tak akiphukha nahi a, tualak ah Proton Waja mawtaw pen meikuang ziahziah hi ci’n thuneikhat in genkhia hi.

Meikuang pen kiphelhpah in, 7:45am hunpawl in meikuang ki Control thei a, tuazawh Minute 5 khitciangin meikuang khempeuh avekin ki mitsiangsak theihi.

More: Thai, Nonthaburi ah mawtaw tuahsia, Myanmar gammi 3 si, adang mi 6 liam

Hih tuahsiatna vaitawh kisai pen athu hoihtak akancian dingin Investigator te khutsung ah ki apsawn hi ci’n Fire Department te’n genkhia hi. Hih mawtaw 3 tak kiphutkhakna tuahsiatna hangin North-South Expressway lamzikpi tungah mawtaw awkcip saktuam mahmah hi. Sawltak #zomidaily