US Maryland pan Pa Dong Khen Khai (Paakzang, Guite) in hongnusia
Mangpha Pa Dong Khen Khai,Guite Beh,Kum 37 :: Paakzang Khuami Baltimore,Maryland USA ateng Pa Dong Khen Khai in March 24,2020 in Gilsung damlohna tawh ongnusia cihthu izaakmanin ZIUSA kipawlna mintawh dahpihna ipulak hi.
Pa Khai pen Zomi te kipawl khopna Zomi Innkuan Washington DC Area ah member khat leh USA gamsung Zomi akuamapeuh luang kipham nading a akivaihawm ZIUSA Genvai ah onglut thukhun pom ni 05/02/2014 akipan tunidong thukhun pom active member khat ahih manin bylaw thukhun zuiin (100%) Death Benefit $15,000 kipiakhia dinga paakkual $150 man khattawh zong mangpha khakna kinei ding hi.
Pa Khai tawh anunungpen hunzatkhop ding ong tungding Saturday 03/ 28/2020,12:00pm in King Memorial Park, 8710 Dogwood Rd, Baltimore MD 21244 ah (EBC-DC Area) makaih na tawh hehnep hunbawlkhop na ki nei dinga Rev.Pau Khan Cin in Pasian kammal tawh hanthotna ong neihkhit ciang leisung ah tuhna kineidinghi.
Pa Khai ong nusiatna hanga adahakap lung leng khawngai azi atate leh sangam tanau meltheih akuamakhempeuh hehnemsiampa kha siangtho in ong hehnem ciatta hen la I biak Pasian in a makiangpana ongpai khasiangtho in lungnop tawldamna ong guat kimciat nading ZIUSA kipawlna in thu kingetpih hi. Dahpihna Lianpitawh, Mun Mang (Genvai tanupi) Zomi Innkuan USA, Inc.
Comment piaknop aomleh...