Malaysia ah sangnaupang khat thuhilhna kisatgawp in sihlawhliang

Malaysia ah sangnaupang khat thuhilhna kisatgawp in sihlawhliang

Malaysia, Malacca State sungah mi 3 in pasalno kum 16 aphakhin khat zepgawp in sihlawhliang ahih manin, palik te’n tua azepgawp te matding in zonsan uh cih NST pan kiza hi. Tua zepgawp athuakpa pen Taman Tangkak Jaya sung aom sangnaupang khat hi a, Form Four akahlaitak ahihi.

Hih sangnaupangpa in apu’ sum guksak ahih manin, thuhilhna in Pipe Hose tawh azepgawp uh ci a, azepte lakah sangnaupang ii a Uncle khatzong kihel cihi.

Sangnaupang aki zepgawp laitak Video akizaih pen Tuesday (Dec 5) ni in Facebook tungah hongki khahkhia hi. Video sungah sangnaupangpa pen akhe alangnih in ki khihcipsak a, pasal pawlkhat in zepcihtak in zepgawp uhhi.

Nak zeplua, lim thuhilh lualiang uh ahih manin, tua sangnaupang pen sibup in khua phawknawnlo hi. Tuaciang in Melaka Hospital ah amanlang in kipuak a, CPR (Cardio Pulmonary Resuscitation) khawng abawl uhhang in anuntakna honkhiazo nawnlo uh cihi. Tuabang tengtawh Monday (Dec 4) nitaklam in asisuak ahihi.

Hihvai tawh kisai in palik thunei ahi Melaka Tengah deputy police chief Superintendent Mohd Kamal Zainal in Press Conference ah agenna ah hih naupangpa azepgawpte pen “Section 302 of the Penal Code for murder” thukhun tawh kizui in thu bawlding in aki vaihawmsan laitak cihi.

Hih naupangpa pen Tangkak kicihna vengsung ah aom uh hi a, anu leh asanggam numei khattawh aomkhawm uh ahihi. Tua aomna panin kisamkhia in, Krubong vengsung aom Workshop ah paipih uh a, asatgawp uh cih Police te’n mukhia uhhi.

Khuasung mipi te’n hih naupangno pen Ayer Keroh Bus Stop ah khuaphawklo in, amuh uhciangin Melaka Hospital akipuak ci a, zato ah asi ahihi.

Asatgawp mi 3 te lakah khatpa pen apa sanggam Uncle khat ci a, adang mi 2 tepen bangci kinaina aomhiam cihpen kitheician nailo hi.

Palik te ummawhna ah innkuansung buaina vai khatpeuh hangin hihbangin asatgawp uh hiding ci a, ahi zongin sum guksak cihpen akician in genkhiatna neilo uhhi.

More: Naupang kum 7 bek aphapan khat kawnggak tawh 62 vei azepgawppa kiman ~ ZD

Sangnaupangpa pen anu leh apa akikhen hi a, kum 42 aphakhin anutawh, asanggam numei kum 14 aphakhin khattawh aom uh ahihi. Melaka Hospital ah akipuak, asih ciangin anu kizasak a, anu inzong zato ah delhpah cih kiza hi.

Tulai Zogam thuthang, Tedim ahzong naupang 3 te thu kilimhilh mahmah cihkhat, bangkhat….. Sawltak #zomidaily