India gamsung aom Company khatin numei te ninneih masakni khuan laktheihding phalna pia
India gamsung aom Digital Media Company khatin amau kiangah nasem numeite aninneih animasa ni pen khuan piakding in tangko khia uh cih Reuters pan kiza hi.
Numei te’n khasim in nin aneih uhciang in ani masani pen athuaklah phadiak omthei hi. Tuate ading ngaihsut sakna in “First Day of Period Leave” ci’n ani masani nasepna panin khuan laktheihding phalna apia uh ahihi.
Tua Company pen Mumbai khuasung ah aom Culture Machine kici Digital Media Company khat ahihi. Ninneih masakni pen nasem numei te khuan alaknopleh bangmah dotdot, ngetnget kullo in khuan latheisakding uh cihi.
Hih Culture Machine Company te’n amau zatmahbang in India gambup inzong hihbangdan “First Day of Period Leave” azattheih nadingin “Minister of Women and Child Development Maneka Gandhi” leh “Minister of Human Resource Development Prakash Javadekar” te tungah ngetna neihsak uh cihi.
Nungkalsung in hih Culture Machine te’n nasem te adingin Leave Policy thak tangkona neikhia uh a, Facebook leh YouTube ahzong Video khahkhia in, India gambup ah ki thehzak “Viral” gawp hi.
Video: First Day of Period Leave | Blush Originals | #FOPLeave
Culture Machine te Mumbai Office ah asem numei pawlkhat te tungah hih Leave Policy thakpen akigen masak laitak Video kizaih in, nasem numei tepen nuammahmah in lamdangzong samahmah uhhi.
Culture Machine kici Digital Media Company sungah numei nasem bekbek akigawm in 75 tak om uhhi. Tuateng in khasim in khatveita anin paimasakni ciangin ”First Day of Period (FOP) Leave” a ngahtheih nadingin aki vaihawmsak ahihi.
Company nei te thusiam in, numei te adingin ngaihsutsak mahmah uhhi. Numei nasem mi 75 te khasim in khatveita nasep pelhding uh cihna hi a, nasepzong tampi kikhiam khading hi. Ahi zongin Company ii supna in ngaihsunlozaw in, nasem numei te adingin ngaihsut sakzaw uhhi.
Related: Italy gamah numei te khasim anin paiciang ni 3 sung “Menstrual Leave” kipiading
Nung March khasung in zong Italy gamsung ah numei te khasim anin paiciang in ni 3 sung “Menstrual Leave” latheiding cih kiza hi. Kawlgam, Zogam ah “First Day of Period Leave” cikciang aki zangzo diam? Sawltak #zomidaily
Comment piaknop aomleh...