Malaysia UNHCR Thuthak

Malaysia UNHCR Thuthak

Tusungteng Malaysia galtai te ki lung himawh mahmah a, nadangdangte sangin RSD vai ah hizaw hi. A hi zongin CRC zum panin thu leh la khatpeuh hong kizaksak ma in thu kigen dangte hangin lung hi mawh kei un, CRC in thuman taktak atheih ciangin mipite tungah hongki zasak ding hi.

Thu khatna ah: 2013 kum a, card angah mi, case 18,000/ 20,000 val te kisam dinga galtai dinmun ahihna RSD counselling leh interview kibawl dinga January kha panin kipan ding hi.

2016 kumin 2013 kum a, card ngah te mi 14,000 val te case kizo khin a 2013 kum a card ngah a omlai 18,000 valte pen 2018 kum kipat phet in kisam pahding hi.

Mimal hi a, innkuan a,omte nahi zongun aki gingsa a,omdending kisam hi.(natel phat loh uh a omleh CRC zum ah hongdongun Zomi, Chin mi 38,072 te adingin ka kipia uh hi.)

Theih sakna:

Galtai card hongkipia ding hi cihna hipah lo hi.

2016 March kha kipat a, RSD interview aki phisak pawlkhat te’n card lak kikna interview ci-a ciamnuihna a, agen uhpen 2018 January kha teh kipan kikdinga 2018 kum sungah case 18,000 kiim kisam ding hi.RSD interview hong phisak ding cihna hi.

2013 kum a card ngah te pen card tettan abei ciangin card pia lo in laidal mah hong kipia kik ding hi.Tua ciangin RSD interview hong phisak dinga a-awnglo te laidal hong lakik ding uh hi.

2018 kum sungah Zomi, Chin mi galtai te dinmun UNHCR hun piazia pen bang cih omding abeisa hun sangin hoihzaw ding maw siazaw ding ahih kei leh angeina mah banglai ding maw cihpen bangmah thu leh la omnai lo hi.

Gam thumna apaiding te’n phone number laih khak zenzen uh leh RST/RSC/IOM hih teng 3 ah na phone number pia kik pah in ahih theih lai tengin vanlengtung natun masiah laih kei in.

Gam thumna piadingin hong kisam khin a, vai thupi nei a, pai theih loh kik nading na neih khak zenzen leh RSC zum ah hoihtak in kigen kik thei hi. Cin Ngaih Ref: The Chin Express