Malaysia, Shah Alam sung aom Tanjong Karang Hospital meikang

Malaysia, Shah Alam sung aom Tanjong Karang Hospital meikang

Malaysia, Shah Alam sung aom Tanjong Karang Hospital ah pangka “Stand Fan” khatpan kipan in meikang ahih manin cina honkhat ki hemkhia cih Bernama pan kiza hi.

Tuni Friday zingsanglam in thupiang hi a, Tanjong Karang Fire and Rescue Station chief Azmi Abbas ii genkhiatna ah zingsang 7:20am hunpawl in hihvai hongki zasak cihi.

Cina kikepna Ward Four sung aom “isolation room” khatah akizanglai Stand Fan khatpan in meikuang akipan cihi. Zato sungah nasemkhat in meikhu amuh ciangin tua isolation room hongphei in a etleh, Stand Fan panin meikuang mukha in, ahunlap in cina te ki hemkhiathei hi.

Zato sungah meiphelhnading in akikoih Fire Extinguishers te zangin nasem te’n meiphelh kipanpah uhhi. Firefighters zong honkhat aphual ah meiphelhding in kidelhsakpah hi ci’n Tanjong Karang Fire and Resuce Station thunei te’n genkhia hi.

More: Penang ah Guardhouse khat meikang in naupang kum 8 khat meikanglum

Hih zatosung meikatna hangin cina asi aliam omlo a cih kiza hi. Ahi zongin zato sungah akizang Electrical Appliances khempeuh hoihtak etcianna bawlkikding in Fire Department te thupia uh cihi. Sawltak #zomidaily