Malaysia, Puchong aom Game sai ah Cashier numei khat pasal 2 in buanhuan

Malaysia, Puchong aom Game sai ah Cashier numei khat pasal 2 in buanhuan

Malaysia, Puchong, Bandar Kinrara vengsung aom Game kimawlna Outlet khatah Damiah “Robber” nih lut uhhi. Tua Gambling Outlet ah nasemdang omlo ahih manin, Cashier asem numeinu pen tua Damiah mi 2 te’n kikhel in buanhuan uh cihi.

Cashier numeinu buan athuak laitak CCTV panin ki Record kha ahih manin, Social Media ah ki thehthang “Viral” gawppah hi. Puchong Police te’n hihvai tawh kisai in Robbers mi 2 te kuahiam cih akansan laitak cih kiza hi.

Facebook tungahzong tua Video pen Raymond Tan akici User khatin Post khia a, tua Video Clip pen koipan angah cih akidot ciangin WeChat panin ka ngahsawn hi cihi.

Tua Facebook Video pen Minute 4 sungbang sawtin, kilimet mahmah ahih manin tuciangciang View 2,643,232 phakhinta hi.

Video etnopleh anuai ah: Facebook ah akiphiat mateng ki entheiding hi. Aki ettheih keileh aki phiatkhin hiding cihna.

Nasep pen ahihtheih liailiai leh teelsiamding thupi mahmah hi. Adiakdiak in numei te’n zanlam nasep limlim teelhuai hetlo hi. Night Club, Game Outlet, Bar cihbang phadiak tepen zanlam vive akihong hizaw a, tuabang munte ah nasemte pen Damiah lutnuam mahmah ahih manin lauhuai phadiak hi.

Facebook ah aki Post Original pen ki phiatleh kilawm ahih manin, hih anuai a theStar te suahsaksawn YouTube Clip tomno khat ki entheilai dinghi.

7 Eleven Convenience Stores leh 99 Speedmart cihbang nai 24 sung sunlezan akihongsuak te ah zanlam asemte’nzong Damiah tuakzelzel uhhi.

More: Malaysia, Puchong vengsung ah Operasi lut, gamdangmi 66 kiman

Abeisa in numei pasal vai akihelkha thuthang ih suahsak ciangin laisim mipi pawlkhatin banghang hibangpeuh thuthang hong suaksak nahi uhhiam citheizel uhhi. Banghanghiam cih dotna aomleh, hibang nasep te kidawmleng cih deihsakna hizaw hi. Numei leh pasal omkhopna aki suaksaknuam cih hizawlo hi cih atelsiam dingin Topa’n thupha hongpia tahen! ZD Sawltak #zomidaily