Turkey gamsung ah “Tourist Bus” khat Saturday ni in kendang ah kiasuk ahih manin mi 23 in sihlawh in adangzong tampi liam cih BBC pan kiza hi. Southern Turkey, Marmaris Seaside Resort geinai aom kendanggei khatah akia hi a, adang mi 11 zong liam cihi.
Turkey Local Media te genkhiatna ah Tourist Bus sungah atuang Passengers lakah gamdangmi Foreign Tourists kuamah kihello ci uhhi.
Hih Tourist Bus pen Marmaris khuasung ah Sunday ni in akibawlding ahi Mother’s Day pawibawlding in apai uh hi a, lamkal ah atuahsia uh ahihi ci’n Turkish Media te’n genkhia uhhi.
Bus Accident hangin asi aliam atamzaw Victims tepen numei leh naupang vive hizaw uhhi. Mugla Province Governor in agenkhiatna ah hih tuahsiatna pen mawtaw Brake kisia ahih manin atuahsia hiding ci hi.
Hih anuai a Video Clip pen theStar pan hi a, amau ii pulak masakna ah asi pen mi 20 ci uhhi. Ahi zongin BBC panin apulakkikna ah asi pen 23 in ki behlapto hi.
Video etnopleh: Tourist bus crash kills 20 in Turkey
Ahi zonginTurkish Newspaper Hurriyet ii genkhiatna ah mawtaw hawlpa in hawlkhial ahih manin, Accident apiang hiding ci uhhi.
Mugla – Antalya kici lamzikpi tungah atuahsia hi a, lampi apangdalna Barrier phukhia in alanglam ah ki lawnkhia cihi.
Related: Turkey, Istanbul City ah Helicopter khat kia in, mi 7 si
Turkish Rescue Teams te’n asi aliam te ageinai aom zato ah puak uh cih kiza hi. ZD Sawltak #zomidaily
Comment piaknop aomleh...