Vondeih Kep Ding – 134 (Dimno’ Pa)

Vondeih Kep Ding – 134 (Dimno’ Pa)

Dear Tawngno,
Khat veivei, lungkia thanem in i om laitak sermon sau pipi, thu kihilhna tampite sangin Lai Siangtho tang khat, laigual tomno khat, leh tangthu tomno khatpeuh in i tha hong dim kik thei zaw hi. ‘Sharing is caring,’ ci ahih teh ka deih mahmah tangthu tomno khat hong share ning!

Khatvei, Vasa khat in Khuai kiang ah, “Hizah tak a, sun tawh zan tawh tawlnga man lo-in, gimpi tawlpi a na bawl na zuu te, mi khat peuh hong pai-in hong lakzak ziauh, hong guksak ziauh pen, heh lo na hiam?” ci-in hong dot leh, Khuai in, “Awh…heh dingin ngaihsun ngei peuhmah kei veng e! Banghang hiam cih leh amau ka zuu bek hong guksak thei uh in, ahi zongin a zuu ka bawl dan pen hong guk sak thei lo uh hi,” ci-in dawng kik hi.

Hih tangthu tom in tam veipi tha hong dim kikkik hi.

A kigen ngei khat ah, nikhat in tui hai 8 ta dawn ding hoih ci-a, ahi zongin tulam ciangin scientist te in tuazah tektek dawn kul sese lo, i pumpi kisap zah bek dawn ding, cikik uh hi.

Ahi zongin peel lo-in dawn thei leng a hoih penpen ah zingthawh khit bangmah nek ma-in hai khat, an nek hun ding nailangh ma-in hai khat, kisil ding ciangin hai khat, leh lup hun ding ma, nai khat in hai khat ta dawn hamtang leng cidamna tawh kituak hi, ci uh hi.

Na Pa

Columbus, OH
February 7, 2018