Thalmual Innkuan ki pawlna pan dahpihna

Thalmual Innkuan USA pan zaksakna

Azahtaak huai Thalmual Tate aw, lam-et loh pi-in December kha 22, 2014 ni-in Lia Dim Deih Huai , Pa Do Tan Len leh Nu Cin Nem Kim te’ tanu in hong nusia ahih man in Thalmual Innkuan USA in nakpitak in dahpih na kong pulaak uh hi. Lia Dim Deih Huai pen Nov.,11,2014 ni-in suak a, Dec.,22,2014 ni-in abawl ih Pa,Pasian kiangah hong ciahsan ahi hi.

Thalmual Innkuan USA thukhun tawh kizui in $ 3,000 tawh sih gal na ki nei ding hi cih hong pulaak ung. Thukhun sungah om mah bangin single te $ 70 leh, family te $ 140 piak pah tek dingin hong thum nuam ing.

Lia Dim Deih Huai hong nusiat man in adah akap aa om Pa Do Tan Len te’ innkuan a kipan meltheih tanau te khuapih tuipih te ,pawlpi mipih te leh adiakdiak in USA Thalmual Innkuan in zong ka dah mahmah uh hi.

Lia Dim Deih Huai tawh hun nunung pen Dec.24,2014 ni-in hanmual tan-na ki nei ding hi. Lia Dim Deih Huai hong nusiat na hang in adah, akap lungleng khua ngai a om laizom u leh nau ,nu leh pa ,lawm leh gual khempeuh anungta Pasian in hong heh nem hen la,adam lai teng cidam tak in, nisim maban te ah thupha leh tha thak tawh akalsuan kik zo dingin Pa ,Pasian in hong siam tahen.

No te tawh ki banga, adah khawm,
Pa Anthony Dal Suan Piang
Thalmual Genvai Committee ,USA

Sihvui hunding zaksakna

I nauno Dim Deih Huai ( Pa Do Tan Len te Ta nu) pen daikhak hun ding in zing ciang ( December 24,14) nikai lam 1:00-2:45 pm kikal ahih man in theih huai teng zasak ciat ni.

Hun bawl ding nai 2:00- 2:45 kikal hi in Han ah nai 3 in leiah tuh ding.
Han leh Funeral home a mun kibang hi.

Hanmun(Address)
5110 Gallatin Pike
Nashville TN 37216.
Lia.Dim Deih Huai
Khua – Thalmual mi
Beh – Buan Sing
Pawlpi-ZPC
Suahni-11/11/14
Sihni -12/22/14(Monday 2:29pm)
Natna-lungtang tha gui kim lo

Siam Mung