Singapore Prepaid SIM Cards athakte 2G Handset tawh kizangthei nawnloding

Singapore Prepaid SIM Cards athakte 2G Handset tawh kizangthei nawnloding

Singapore gamsung ah akibawlthak SIM Cards tepen 2G Handset tetawh kizangthei nawnloding cih Straits Times pan kiza hi. Wednesday (November 09) ni in Singapore gamsung aom Telecommunication Company lianpi 3 te in Joint Statement bawlkhia uh a, 15 November 2016 ni akipan SIM Cards thak te 2G Handset ah ngahnawnloding cih tangkokhia uhhi.

Tua Singapore Telecommunications Company lianpi 3 tepen Singtel, M1 leh StarHub te hi uh a, 2G Networks akizang Handset tepen maikum April khasung in phetsiang sawmta uhhi. Tua ahih manin, hih 2G Network azanglaite’n amanlang in Handset Model athak te zatkultading cihna ahihi.

Hihvai tawh kisai in Customers tetawh ki telkhialhna aomloh nadingin Prepaid SIM Cards akileisim in genciannazong kineisak ciatciatding cihi.

Model thak ahilo tulaitak in akizangzang SIM Cards te ahihleh bangmah nawngkaina omlo in 2G Handset te ah kizangsuak theilaiding cihi.

Ahi zongin 3G ahih keileh 4G akizangthei Handsets te ah laihtohding, Upgrade bawlding in Telecommunications Company te’n hanthawn uhhi. Tua hileh 3G leh 4G Network tezong nuamtak in kizangthei panding ci’n genkhia uhhi.

Hih atung limsung a ihmuh Phone Handset tepen 2G Handset vive hileh kilawm hi. Kuateng in neilai 🙂 ZD Sawltak #zomidaily