Singapore, Tuas Area ah meikang nasia mahmah

Singapore, Tuas Area ah meikang nasia mahmah

Singapore gamsung aom Tuas Area ah tuni Thursday (Feb 23) ni zingsanglam in mei nasiatak in kanggawp cih CNA pan kiza hi. Hihvai tawh kisai in Singapore Civil Defence Force (SCDF) te’n zingsang 7:18am in Statement khat Facebook tungtawn in khahkhia khin un a, meikatna pen 23 Tuas View Circuit aom Eco Special Waste Management akang ahihi ci’n pulakkhia uhhi.

Meiphelhding in Firefighters tezong aphual ah tungpah uh a, Water Jets tawh meiphelhpah uh cihi.

Meikuang pen nasia mahmah a, agamlapi paninzong meikuang leh meikhu ki galmuh theihi.

Singapore gamsung ah StarHub Mobile Subscribers tezong Company panin sms khakkhia uh a, hih Tuas vengsung tengah meikang ahih manin, agamla theithei ah naki hemkhia un ci’n zaksakna nei uh cihi.

Singapore Police Force te’nzong hih meikatna hangin Tuas South Ave 3 leh Tuas View Crescent lampi te khakcippah uhhi. Kumpi lampan inzong hih Tuas vengsung ah kuamah vakkhiat lohding, kidopding zaksakna nei uh cihi.

Eco Special Waste Management tepen Singapore gam ii National Environment Agency (NEA) panin Fully License angah Company khat hi a, amau ii nasep pen Toxic Industrial Waste Collector, General Waste Collector, Asbestos Removal Contractor cihte hiphadiak hi.

Petrochemical, Pharmaceutical, Oil and Gas, Power Generation, Electronics, Marine, Engineering, Semiconductor cihbangdan Industries tuamtuam te tungah Service pia

More: Tukumsung Singapore meikang ahuaisia pen CK Building

Nungkumsung inzong Singapore gamsung aom CK Building pen nasiatak in meikanggawp a, nungkumsung meikang lakah ahuaisiapen in ki ciamteh hi. Athu akicingzaw in zakbehna aomciang Update kik ni. ZD Sawltak #zomidaily