Leilam tawnin Malaysia gamsung aguklut mawtaw kibung, Myanmar gammi 3 si, 11 liam (Zomi kihel)

Leilam tawnin Malaysia gamsung aguklut mawtaw kibung, Myanmar gammi 3 si, 11 liam (Zomi kihel)

Malaysia, Perak State sung aom North-South Expressway kici lamzikpi tungah mawtaw kibung in mi 3 si, adang mi 11 liam cih NST pan kiza hi. North-South Expressway lamzikpi ii KM190.6 mun aom Bukit Merah Toll Plaza geinai ah atuahsia ahihi.

Atuahsia mawtaw pen Nissan X-Trail SUV namte hi a, tuni Sunday zingsanglam 7:30am hunpawl in atuahsia ahihi. Tua mawtaw sungah atuangte pen Myanmar gammi vive hidingin ki ummawh a, ahi zongin amau ii pumpi tungah ID (identities) bangmah kimulo hi.

Perak Fire and Rescue Department spokesperson khatin agenkhiatna ah zingsanglam 7:36am hunpawl in cimawh dongtuak om cih hongki zasak ahih manin, Bagan Setia aom Firefighter te adelhding in ki sawlkhiapah hi ci’n genkhia hi.

Aphual ah atun uhciangin mawtaw sungah atutna tawh aki nencip te ki hemkhia cihi. Aphualzang ah mi 3 sipah a, adang aliamte zong nakliam mahmah uh cihi.

Hihvai kumpi thunei te’n limtak akancian uhciangin mawtaw sungah atuangkha mi 14 tepen Human Trafficking Syndicate (puaisa tungtawn in leilam pan Malaysia gamsung aguklut) tawh kizomding uh cihzong kimukhia hi. Nissan X-Trail SUV mawtawneu khatsung ah Passenger mi 14 tak hencipgawp in akipuak limlimzongpen muanmawhhuai mahmah khinhi ci’n thunei te’n genkhia uhhi.

Tuaban ah Passenger mi 14 te ii apumpi tungah ID bangmah puak neilo sawnsawn uh ahih manin, puaisa te’n Malaysia gamsung ah aguklutpih hiding, Human Trafficking hiding cih ziatheihpah uhhi.

Tua Nissan SUV ahawlpa penzong gamdangmi mah hidingin ki ummawh a, mawtaw atuahsiat khitciangin taimang vingveng sawnsawn hi.

Perak Traffic Enforcement Investigation department panin makaipipan agenna ah atuahsia Passenger tepen numei 1 leh pasal 13 hi uh a, Nissan SUV mawtaw sungah ngabung sungah akikoih bangin aki hencipgawp uhhi ci’n genkhia hi.

Mawtaw atuahsiatna pen hatsaklua in limtak Control theinawnlo ahih manin lamzikpi adalna “Road Divider” nawkkha masa ahih manin, tuapan in mawtaw atuahsia kici hi.

Asi Myanmar gammi 3 tepen mawtaw atuahsiat ciangin mawtawsung panin kilawnkhia uha, lei nuaikhat ah tusuk in aphual ah sipah uhhi. Adang asilo, aliam tepen Parit Buntar Hospital leh Taiping Hospital ah zatui zaha kibawlding in kipuaksuak cih kiza hi. Sawltak #zomidaily

Video: At least three individuals, believed to be foreigners, were killed after the van they were travelling in skidded at KM190 of the North-South Expressway (PLUS) southbound, near Simpang Empat, in Semanggol, about 60km from Ipoh Sunday morning.

ZAM Page pan: THUNGETNA AH PHAWK NI

Kawlgam leilam tawh hong pai motor khat Penang paina High Way lampi Miles 190.8 na ah kibung hi. Kawlgam palai zum (Myanmar Embassy) pan thunei te in zong vadelh pah uh a, Kawlgam palai zum thunei te leh ZAM palai te a hun zui in information kihawm in vai te a kikan san laitak ahihi. Hih motor tungah mi 13 tuangin a vek in tua sung pan tuciangciang a nuai a teng kikan khia zo hi.

• 1.Go Pum Thang (Zozang)
• 2.Mang Mun Tuang (kalaymyo)
• 3.Pau Khan Khual (Tedim)
• 4.Mang Lam Sing (Tonzang)

Pau Khan Khual leh Mang Lam Sing pen lim liam lo uh a, Go Pum Thang leh Mang Mun Tuang te pen a omna ki thei nai lohi. Update om bangbangin hong zasak lai nung. Thungetna ah phawk ciat ni.

PENANG LAMPI TUNG MOTOR VAI UPDATE

Ei mi 4 te a vek in hong kimu ta in, palai te tawh zong kiho thei khin ta hi. A nak liam lua omlo sam ahih man Topa tung lungdam ko hang. Update a om bangbang hong zasak toto lai nung … 5:10PM