USA, Tulsa pan Pa Dam Do Thang (Langzaang, Khupson beh) in hongnusia
Mangpha Pa Dam Do Thang (Kum 50) Khupson Beh – Lang Zaang khuami Pyidawtha a akhang khia ,Tulsa, Oklahoma aa ateng Pa Dam Do Thang in abeisa March 28, 2021 in gilpi natna tawh hongnusia chih thu izak man in ZIUSA kipawlna mintawh dahpihna i pulak hi.
Pa Thang pen Zomi te kipawlkhopna Zomi Innkuan Oklahoma ah member khat leh ZIUSA Genvai member honglut ni 1/31/2016 pan active member khat ahih manin thumeilet bylaw zuiin (100%) Death Benefit $15000 kipiakhia dinga paakkual $150 man khattawh zong mangpha khakna kinei ding hi.
Pa Thang luanghawm tawh anunungpen hunzatkhop ding hong tungding Thursday April 1, 2021 in (Zomi SDA, Tulsa,OK) makaihna tawh, 11:00am in Funeral Service bawl khit ciang in han ah vuina ki nei ding hi.
Pa Thang hong nusiatna hang adahakap alungleng khuangai tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Genvai tanupi – Zomi Innkuan USA, Inc.)
Comment piaknop aomleh...