Thucinh thutang (D)

• Damna hong pia Topa bek hi.

• Deidan’na in kikhenna piang sak.

• Daniel in ni khat thu thumvei ngen.

• Damna ngahna dingin, upna kisam.

• Duh hopna in, supna piangsak zaw.

• Deih teel lua leeng, kitaan lawh thei.

• Deihsakna pen itna panin hong pai hi.

• Deih teng lei pahpah lo ding, kisapte bek lei ding.

• Duhhopna zong siatna kipatna khat hi.

• Dahna thuak kha zelzel ding ihih manin, midangte hehnep siam ding.

• Dawi mangpa hun napia kei un, ci Lai Siangtho sungah.

• Dawi(milim) biate na ngawn, ki it thei-in kipumkhat thei diamdiam uh ahih leh ei a nungta Pasian abiate tua bangin gamtat ding kilawm zaw kan lai ding.

• Deihsakna taktak nei leeng, hong ki zahtak in, hong kipakta thei pan.

• Den ciang, zingciang i cihcih leh kikheelna maan kinei thei lo hun sia in hong lap ziau ding.

• Dawn theih khempeuh dawn dawn ding hi sam kei. Eima cidamna ding hizaw.

• Duh khempeuh ne lo ding, nek dinga kilawmte teelsiam ding.

• Dawi mangpa pen, i ut theih pen dingte leh i lunggulh theihpen ding teng tawh hong zolzol in, a tawpna-ah tawntung sihna mun hong tunpih ding ahi hi.

• Daniel, Humpinelkaite tawh a om khop theih hiathiatna pen, ganhing zol siam in, ganhing tawh a kikhawl thei hi kei. Topa’ ompihna hang bekmah hi zaw.

• Daniel in kumpi inn sunga khamtheih tuamtuamte a zat loh nadingin a lungsim khensat in, a khensat mah bangin zui pah hi.

• David in ama mawh/khialh na hangin a mipibte’ thuakna amuh ciangin, keima mawhna keimah bekin ka thuak ding ci-in kiniamkhiatna tawh pulak hi.

• David in mawhna a bawlkhak hangin, a kisikkik theihna lungtang thupi hi.

• David sailii tungah a thahat mahmah Goliath ii sih zawh nading hatna tha a om hi kei, Topa’ thahatna leh Topa’ vangliatna hang bek hizaw.