Thuthak Tomkimcing 21 Nov 2014

Thuthak Tomkimcing 21 Nov 2014

A. Kawlgam siamsin Laihuan vai ding thuthak ging

Kawlgam siamsin kumpi laihuan na Tan 8 leh Tan 4 te 16-32 Dec 2014 hunsung Pre test kibawl ding cih kiza hi. Lai dotna pen Tan 4 te amuntek khuapi pan bawl ding uh ahihi. Tan 8 ahih leh District pan bawl ding cih kiza hi. Final Examination pen tanlang pan tankua dong 19- 26 Feb 2014 hunsung kibawl ding ahihi.

B. Chin State sung akum telmun omlo Kumthak kibawl ding

Sanggam Laizom Khumi te inzong Chin Kumthar dungzui in Khumi kumthar Nov 29 ni in bawl ding uh hi. Kum bangzah pan kum bangzah kumthak kidawn hiding akum telmun omnailo hi. Chin kumthar leh Khumi kumthar zalentak in bawl uh ahihi. Leitungah AD 2015 kimuak ding hi a, Muslim te in 1436 kumthak muak ding uh ahihi. Kawlte in ahih leh 1377 kumthak muak ding uh ahihi. China te in ahih Sakol kum muak ding ahihi.

C.Triau Tracks te in Maikal ah Vannapa hall ah Concert

Hong tungding Maikal 28 Nov 2014 hunciang in Triau Tracks ten Vanapa Hall Aizawl ah Concert neiding uh hi. TRIAU TRACKZ te pen Champhai khuasuak diktak tual sung mi minthang te hi uh a, tuhun laitak amau nasep zia kizep kipuah zia leh lasak zia te in mipi te ukk theih lam hil mahmah ahihi. cih kizahi.

D. Hakha ah Gan khawina leh Lokho siamna thusin kibawl zo

Chin state khuapi Hakha ah Khuata khantohna ding Gankhawi dan siamna leh Lokho dan siamna thusin avei 1/2014 kibawl a khakhat sung thusin zawhna sangtuah na 21 Nov 2014 ni in zinglam daak 8:00am hun in bawl uh hi. Thusin na ah mimal 50 pha uhhi. Vaituamtuam U Htay Win in makaih hi.