USA, California Highway lamzikpi tungah ataivalval Motorcyclist khatin mawtaw pailaikhat akhetawh tuanphei ahih manin, tua mawtaw zong lamzikpi pheiteng nawkkha in mei am kuang zaizai hi.
California, Santa Clarita sung aom 14 Freeway tungah nung Wednesday ni in thupiang hi a, hih Motorcycle hawlpa leh mawtaw te gamtatna hangin mi 1 liam cihi. Hihbang in a gitloh gamtatna pen anungah azui mawtaw khat ii Dashboard Camera panin Video Record kibawlkha citciat hi.
Motorcyclist in mawtaw atuakphei khitciang in tua mawtaw pen aveilam ah lamzikpi apangteng taihphei masa in, mei am kuang zaizai hi. Tuakhit ciangin mawtaw hoihtak Control theinawnlo in ataklam ah taiphei leuleu a, mawtaw khat phupheikha in, tua mawtaw pen ki lumlet liuleu lianmawk hi.
Hih pen Video ki Record kha in, Facebook tungah kikoih masa a, Second 22 bek sawt hi. Motorcyclist pen khawlvetlo in, atuahsia mawtaw te taisan vilvel hi. California Highway Patrol te’n hih Motorcycle hawlpa pen hit-and-run ci’n ataihkhit ciangin ataisan tawh thubawl uh a, azonsan laitak uh ahihi.
Video: Road rage sparks crash chaos on LA freeway
CHP Officer Josh Greengard in KNBC-TV te tungah agenkhiatna ah Motorcyclist in Sedan mawtaw khatpen atuatphei kiciantak in Video sungpan in ki muthei ahih manin hihpen Accident mawkmawk hilo hi ci’n genkhia hi.
Newhall Avenue, Southbound 14 Freeway lamzikpi tungah nung Wednesday ni zingsanglam 5:45am hunpawl in thupiang hi ci’n Authorities te’n pulakna neikhia uhhi.
Related: US California sanginn khatah thaukikapna piang, mi 2 si in 2 liamgawp ~ ZD
Motorcyclist akimatkhiat khitmateng hihthu pen banghanghiam, bang kihehna omhiam cihpen kicianlo ahih manin, thu khentattheih omloding hi ci’n Josh Greengard in genkhia hi. Sawltak #zomidaily
Comment piaknop aomleh...