Malaysia, Nilai aom Suai zuakna ah gutalut, Myanmar hiding ki ummawh
Malaysia, Nilai khuasung aom Hypermarket khatah zanni Tuesday (Dec 12) ni in guta damiah honkhat lut a, Suai ahih keileh Kham (Gold) honkhat tawh taikhia uh cih theStar pan kiza hi. Hypermarket sung aom suangmanpha zuakna Jewellery Store sungah damiah honkhat alut ahihi.
Palik thunei ahi Nilai OCPD Supt Zaldino Zaludin in agenkhiatna ah hih guta damiah te lutlaitak CCTV panin Video Record pawlkhat ki ngahkha cihi. Tuasung aki etkik ciangin pasal mi 4 amai uh Mask tawh tuamcip in, temta nausau tawikawm in Hypermarket sungah lutsuk uh cihi.
Tuesday zingsanglam 1:20pm hunpawl in tua guta damiah te Hypermarket ii anunglam kongkhakpan lutsawm uh a, aluttheihloh uhciangin, amailam Front Entrance panin alut uh ahihi.
Tuaciang in Hypermarket ii amailam Front Entrance ah angak in aom ahi Security Guard mi 3 te hencip masa uh a, tuakhit ciangin Hypermarket sungah alut uh cihi.
Tuakhit ciangin Roller Shutter kongkhak panin suangmanpha zuakna Jewellery Store sungah alut uh ahihi. Tuakhit ciangin Jewellery Store sung aom sumkoihna Safe Box ii apangkhat sukhamkhia uh a, asungpan sum akigawm in RM1562 gukhia uhhi.
Tuaban ah Jewellery Store sung aom suangmanpha honkhatzong gukhia uhhi. Tua agukkhiat suangmanpha te ii aman phazah pen ki theician nailo hi ci’n Supt Zaldino in genkhia hi.
Hih guta damiah tepen ngian haumahmah uh a, Jewellery Store sungah akikoih CCTV leh Decoder te aki entheilo dingin suksiatsak sawnsawn uhhi.
Tuakhit ciangin Jewellery Store tawh akizom in aom ahi zatuisai PHarmacy sungahzong lutphei uh a, ahi zongin tuasung panin bangmah gukkhiat neilo uhhi.
More: Kuala Lumpur khuasung aom vanmanpha zuakna Jewellery Shop ah suntangpi in damiah lut
Hih guta damiah te Hypermarket sungah alutlam pen khuasungmi khatin zingsang 6:25am hunpawl in Police te phone tawh azaksak ciangin Police te’n theikhapan uh cihi.
Tua guta damiah mi 4 tepen Vietnam gammi ahih keileh Myanmar gammi hiding kici citciat sese hi. Sawltak #zomidaily
Cidam te’n Siavuan akisaploh mahbangun, Manglai & Kawllai athei asiam te’nzong Zomi Daily kisam saktuak khollo lel uhhi 🙁 Nang e???
Comment piaknop aomleh...